Home Contact Phone
background

Xəbərlər

  • Sabirabadda “Azəriqaz” İstehsalat Birliyinin...

    Sabirabadda “Azəriqaz” İstehsalat Birliyinin “Açıq mikrofon” aksiyası keçirilmişdir

    2022-05-18

    Sabirabad Olimpiya İdman Kompleksinin həyətində “Azəriqaz” İstehsalat Birliyinin “Açıq mikrofon” aksiyası çərçivəsində vətəndaşlarla keçirilən görüşdə Sabirabad rayonunun Nəsimi kənd sakini Gülxanım Hüseynova bildirmişdir ki, uzun illərdir yaşadığımız kənddə təbii qazdan istifadə edə bilmirik. Məişətdə istifadə üçün digər kəndlərdən odun alırıq. Bu da bizə əlavə xərcdir. Xahiş edirəm, bizim müraciətimizə müsbət cavab verilsin. Digər çıxış edən vətəndaşlar da sözügedən kəndin meşə zolağından kənarda yerləşdiyini, mavi yanacaqdan istifadənin hər zaman lazım olduğunu, əsasən isə payız-qış mövsümlərində təbii qaz olmaması səbəbindən daha çox əziyyət çəkdiklərini bildiriblər. Kənd sakinləri 300-dək fərdi yaşayış evi olan bu kəndin təbii qazla təmin olunmasını xahiş ediblər. Aksiyaya vətəndaşlarla yanaşı, sahibkarlar da qatılıb. Quşçuluq təsərrüfatı və istixana fəaliyyəti ilə məşğul olan Vaqif Əhədov təbii qaz təminatında heç bir problemin olmadığını qeyd edərək, Birlik rəhbərinə təşəkkürünü bildirib. Sahibkarlıq subyekti istər əhali, istərsə də qeyri-əhali abonentlərinə tətbiq olunan limitlə bağlı güzəştlərin olunmasını xahiş edib. Birliyin Şikayətlərin araşdırılması şöbəsinin rəisi İbrahim Kərbalayev daxil olan bu müraciətlə bağlı izahat verərək, təbii qazın qiymətinin tənzimlənməsinin Birliyin səlahiyyətləri xaricində olduğunu vurğulayıb. Bildirilib ki, təbii qazın tarifinin müəyyən olunması Tarif (qiymət) Şurası tərəfindən həyata keçirilir. Bundan əlavə, aksiyada Birliyin, Salyan Regional Qaz İstismarı İdarəsinin, yerli idarəetmə orqanlarının, Kiçik və Orta Biznesin İnkişafı Agentliyinin nümayəndələri də iştirak ediblər.

  • Sabirabad rayon icra hakimiyyəti başçısının ...

    Sabirabad rayon icra hakimiyyəti başçısının növbəti səyyar görüş-qəbulu Nizami kəndində keçirilmişdir

    2022-05-17

    Sabirabad rayon icra hakimiyyətinin başçısı Siraqəddin Cabbarovun Nizami kəndində Nizami kənd inzibati ərazi dairəsinə daxil olan Nizami, Nəsimi, Rüstəmli, Qardaşkənd, Hacıbəbir və Çöl Dəllək kənd sakinləri ilə səyyar görüş-qəbulu keçirilib. Görüşdə rayon İcra Hakimiyyətinin başçısı aparatının məsul işçiləri, hüquq-mühafizə orqanlarının və xidmət təşkilatlarının rəhbərləri iştirak etmişlər. Sabirabad rayon icra hakimiyyətinin başçısı Siqaqəddin Cabbarov çıxış edərək kənd sakinlərini salamlamış, ölkəmizdə sosial-iqtisadi sahədə qazanılan uğurlardan, eləcə də Sabirabad rayonunda aparılan tikinti-quruculuq, abadlıq işlərindən, əhalinin sosial problemlərinin həlli istiqamətində həyata keçirilən tədbirlərdən ətraflı məlumat vermişdir. Səyyar görüş-qəbulda çıxış edən kənd sakinlərindən Mirzəbaba Babayev, Kazım Cəbrayılov, Cavid Əliyev və başqaları kəndin mövcud problemlərdən danışmışlar. Görüş-qəbulda vətəndaşlar tərəfindən qaldırılan məsələlərin bir qismi yerindəcə öz həllini tapıb, digər məsələlərin həlli ilə bağlı rayon icra hakimiyyətinin başçısı aidiyyatı təşkilatların rəhbərlərinə müvafiq tapşırıq və göstərişlər vermişdir.

  • Sabirabadda Ümummilli Lider Heydər Əliyevin ana...

    Sabirabadda Ümummilli Lider Heydər Əliyevin anadan olmasının 99-cu ildönümünə həsr olunmuş tədbir keçirilmişdir

    2022-05-10

    Sabirabad Rayon İcra Hakimiyyətinin təşəbbüsü və Sabirabad Regional Mədəniyyət İdarəsinin təşkilatçılığı ilə 10 may 2022-ci il tarixində Sabirabad rayon Mədəniyyət Mərkəzində Ümummilli lider Heydər Əliyevin anadan olmasının 99-cu ildönümünə həsr olunmuş tədbir təşkil edilmişdir. Əvəllcə Sabirabad rayon icra hakimiyyətinin başçısı Siraqəddin Cabbarov, hüquq-mühafizə orqanlarının, idarə, müəssisə və təşkilatların rəhbərləri, əmək kollektivləri, ağsaqqallar, müharibə və əmək veteranları, tələbələr, məktəblilər, ictimaiyyətin və gənclərin nümayəndələri, minlərlə rayon sakini Azərbaycan xalqının Ümummilli Lideri Heydər Əliyevin Sabirabad şəhərinin mərkəzi meydanında ucalan abidəsini ziyarət edib, abidə önünə gül-çiçək dəstələri qoyaraq Ulu Öndərin əziz xatirəsini dərin hörmət və ehtiramla yad ediblər. Tədbirdə Sabirabad rayon icra hakimiyyətinin başçısı Siraqəddin Cabbarov çıxış edərək müstəqil Azərbaycan dövlətinin memarı və qurucusu olan Heydər Əliyevin Azərbaycan xalqının qəlbində əbədi yaşayacağını vurğulamışdır. Natiq qeyd etmişdur ki, Ümummilli liderimiz Heydər Əliyev Azərbaycan xalqının tarix boyu yetişdirdiyi nadir və bənzərsiz şəxsiyyətlərdən olaraq milyonlarla insanın qəlbində əbədi yaşayır. Həyatının mənasını xalqa və dövlətə xidmətdə görən ulu öndərimiz bu müqəddəs amal uğrunda ən çətin maneələrə, problemlərə mərdliklə sinə gərən millət fədaisi kimi daim böyük ehtiramla, rəğbətlə xatırlanır. Müstəqil Azərbaycanın dahi şəxsiyyətləri arasında böyük tarixi missiyanı yerinə yetirmək qüdrətinə malik olan ümummilli liderimizin müstəsna yeri var.

  • Sabirabadda Mil-Muğan Regional Təhsil İdarəsin...

    Sabirabadda Mil-Muğan Regional Təhsil İdarəsinin müdiri kollektivə təqdim edilib

    2022-05-04

    Tədbir iştirakçıları əvvəlcə Ulu Öndər Heydər Əliyevin abidəsini ziyarət edib, önünə gül dəstələri düzüblər. Təhsil idarəsinin inzibati binasında davam edən tədbirdə Təhsil Nazirliyinin aparat rəhbərinin müavini Eldar Orucov, Sabirabad rayon icra hakimiyyətinin başçısı Siraqəddin Cabbarov, Mil-Muğan Regional Təhsil İdarəsinin müdiri Rəşad Musayev, Regional Təhsil İdarəsinin əhatə etdiyi İmişli, Saatlı, Beyləqan və Sabirabad rayon təhsil şöbələrinin nümayəndələri iştirak ediblər. Sabirabad rayon icra hakimiyyətinin başçısı Siraqəddin Cabbarov çıxış edərək bildirmişdir ki, Azərbaycan Respublikası Prezidentinin təhsil sektoruna göstərdiyi diqqət və qayğısı nəticəsində, Birinci vitse-prezident Mehriban xanım Əliyevanın təşəbbüsü ilə ölkədə təhsil sistemi dünya standartlarına uyğun inkişaf etdirilmiş, bu sahədə islahatların daha da dərinləşməsi həyata keçirilmiş, ümumi təhsil müəssisələrinin infrastrukturunun müasirləşdirilməsi istiqamətində əhəmiyyətli işlər görülmüş, son illər minlərlə məktəb binası tikilmiş və ya əsaslı təmir olunmuşdur.

  • Sabirabad rayon icra hakimiyyəti başçısının ...

    Sabirabad rayon icra hakimiyyəti başçısının növbəti səyyar görüş-qəbulu Quruzma kəndində keçirilmişdir

    2022-05-04

    Sabirabad rayon icra hakimiyyətinin başçısı Siraqəddin Cabbarovun Quruzma kəndində Quruzma kənd inzibati ərazi dairəsinə daxil olan Quruzma, Qəzli, Kovlar, Yenikənd və Qaraqaşlı kənd sakinləri ilə səyyar görüş-qəbulu keçirilib. Görüşdə rayon İcra Hakimiyyətinin başçısı aparatının məsul işçiləri, hüquq-mühafizə orqanlarının və xidmət təşkilatlarının rəhbərləri iştirak etmişlər. Sabirabad rayon icra hakimiyyətinin başçısı Siqaqəddin Cabbarov çıxış edərək kənd sakinlərini salamlamış, ölkəmizdə sosial-iqtisadi sahədə qazanılan uğurlardan, eləcə də Sabirabad rayonunda aparılan tikinti-quruculuq, abadlıq işlərindən, əhalinin sosial problemlərinin həlli istiqamətində həyata keçirilən tədbirlərdən ətraflı məlumat vermişdir. Səyyar görüş-qəbulda çıxış edən kənd sakinlərindən Şahin Abbasov, Ceyran Heybətova, Şamil Əliyev, İsrayıl Həsənov və başqaları kəndin mövcud problemlərdən danışmışlar.

  • Sabirabadda akademik Zərifə Əliyevanın anadan ...

    Sabirabadda akademik Zərifə Əliyevanın anadan olmasının 99-cu ildönümü qeyd olunub

    2022-04-27

    27 aprel 2022-ci il tarixdə Sabirabad Rayon İcra Hakimiyyətinin və “Sabirabad rayon Mərkəzi Xəstəxanası” Publik Hüquqi Şəxsin təşkilatçılığı ilə görkəmli oftalmoloq həkim, akademik Zərifə Əliyevanın anadan olmasının 99-cu ildönümü ilə əlaqədar konfrans təşkil olunub. Tədbiri giriş sözü ilə açan Sabirabad rayon icra hakimiyyəti başçısının birinci müavini Həsən Həsənov bildirib ki, Zərifə xanım Əliyeva tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanıb. Daha sonra “Sabirabad Rayon Mərkəzi Xəstəxanası” Publik Hüquqi Şəxsin direktoru Ənvər Lümanov “Akademik Zərifə Əliyeva milli oftalmologiyanın banisidir” mövzusunda məruzə ilə çıxış edib. Digər konfrans iştirakçıları da görkəmli akademikin oftalmologiya elminin inkişafındakı rolundan bəhs ediblər. Tədbirdə Zərifə xanımın mahir elmi tədqiqatçı, Ulu Öndər Heydər Əliyevin ömür gün yoldaşı, sadiq dost, əsl insanlıq nümunəsi olması xüsusi vurğulanıb.

  • Sabirabad rayon icra hakimiyyəti başçısının ...

    Sabirabad rayon icra hakimiyyəti başçısının növbəti səyyar görüş-qəbulu Şıx Salahlı kəndində keçirilmişdir

    2022-04-26

    Sabirabad rayon icra hakimiyyətinin başçısı Siraqəddin Cabbarovun Şıx Salahlı kəndində Şıx Salahlı kənd inzibati ərazi dairəsinə daxil olan Şıx Salahlı və Osmanlı kənd sakinləri ilə səyyar görüş-qəbulu keçirilib. Görüşdə rayon icra hakimiyyətinin başçısı aparatının məsul işçiləri, hüquq-mühafizə orqanlarının və xidmət təşkilatlarının rəhbərləri iştirak etmişlər. Sabirabad rayon icra hakimiyyətinin başçısı Siqaqəddin Cabbarov çıxış edərək kənd sakinlərini salamlamış, ölkəmizdə sosial-iqtisadi sahədə qazanılan uğurlardan, eləcə də Sabirabad rayonunda aparılan tikinti-quruculuq, abadlıq işlərindən, əhalinin sosial problemlərinin həlli istiqamətində həyata keçirilən tədbirlərdən ətraflı məlumat vermişdir. Səyyar görüş-qəbulda çıxış edən kənd sakinlərindən Bəylər Heydərov, Şahin Hüseynov, Gülyetər Əhmədova və başqaları kəndin mövcud problemlərdən danışmışlar.

  • Böyük yazıçı, alim və pedaqoq Mir Cəlal Pa...

    Böyük yazıçı, alim və pedaqoq Mir Cəlal Paşayevin anadan olmasından 114 il ötür

    2022-04-26

    26 aprel 2022-ci il tarixdə Sabirabad Rayon İcra Hakimiyyətinin dəstəyi, Sabirabad Regional Mədəniyyət İdarəsinin təşəbbüsü ilə Sabirabad rayon Mədəniyyət Mərkəzində görkəmli yazıçı və ədəbiyyatşünas Mir Cəlal Paşayevin anadan olmasının 114-cü ildönümü münasibətilə tədbir təşkil olunmuşdur. Tədbirdə Sabirabad rayon Mərkəzi kitabxanasının fondunda yer alan Mir Cəlal Paşayevin əsərlərindən, onun haqqında yazılmış bioqrafiyalardan ibarət kitab sərgisinə baxış keçirilmiş, daha sonra isə "Addım" Gənclər Təşkilatının sifarişi ilə yazıçının "Kəmtərovlar ailəsi" hekayəsinin motivləri əsasında lentə alınmış "İki yad adam" filmi nümayiş olunmuşdur. Filmin nümayişində Sabirabad rayon rəhbərliyi, rayon ictimaiyyətinin nümayəndələri, həmçinin filmin yaradıcı heyəti - layihənin rəhbəri, "Addım" Gənclər Təşkilatının sədri Hüseyn Cavadzadə, əməkdar artist Gülşad Bayramova, baş rol ifaçıları Riyad Abdul və Duyğu Dəvəli də iştirak etmişlər. Film tamaşaçılar tərəfindən böyük maraqla qarşılanmışdır.

  • Sabirabad rayonunda əkin mövsümünün başlanma...

    Sabirabad rayonunda əkin mövsümünün başlanması ilə əlaqədar yanğından mühafizə profilaktiki maarifləndirici tədbir keçirilmişdir

    2022-04-22

    22 aprel 2020-ci il tarixdə Sabirabad Rayonu İcra Hakimiyyətinin iclas zalında Azərbaycan Respublikası Ekologiya və Təbii Sərvətlər Nazirliyinin 3 saylı Regional Ekologiya və Təbii Sərvətlər İdarəsinin təşkilatçılığı ilə idarənin xidməti ərazisində əkin mövsümünün başlanması ilə əlaqədar yanğından mühafizə profilaktiki maarifləndirici tədbir keçirilmişdir. Tədbirdə rayon icra hakimiyyəti başçısının birinci müavini Həsən Həsənov, 3 saylı Regional Ekologiya və Təbii Sərvətlər İdarəsinin rəisi Azər Quliyev, RİHB-nın müavini - Sosial-iqtisadi inkişafın təhlili və proqnozlaşdırılması şöbəsinin müdiri Nəsir Mirzəliyev, Sabirabad Dövlət Aqrar İnkişaf Mərkəzinin direktoru Heydər Yaqubov, yerli özünüidarəetmə orqanlarının, eləcə də xidmət sahələrinin rəhbərləri iştirak ediblər. Tədbiri rayon icra hakimiyyəti başçısının birinci müavini, rayon Fövqəladə Hallar Komissiyasının sədri Həsən Həsənov açaraq, əkin mövsümünün başlanması ilə əlaqədar müəssisə və təşkilat rəhbərlərinə, bir sıra torpaq istifadəçilərinə yanğın təhlükəsizliyi normalarının, standartlarının və qaydalarının tələblərinə riayət olunmasının və əhaliyə yanğın təhlükəsizliyi tədbirlərinin öyrədilməsinin, eyni zamanda, yanğın təhlükəsizliyi ilə bağlı aidiyyəti orqanların göstərişlərinin və digər qanuni tələblərinin yerinə yetirilməsinin vacibliyini vurğulayıb.

  • Sabirabad rayonunda gənclərlə maarifləndirici ...

    Sabirabad rayonunda gənclərlə maarifləndirici görüş keçirilib

    2022-04-22

    Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə "Gənclərin Sosial-İqtisadi və Mədəni İnkişafına Dəstək” İctimai Birliyi tərəfindən icra olunan "Region gəncləri arasında dini radikalizm və ekstremizmin meyillərindən qorunma mövzusunda maarifləndirmə işinin təşkili” adlı layihə çərçivəsində 22 aprel 2022-ci il tarixində Sabirabad rayonunda gənclərlə maarifləndirici tədbir keçirilmişdir. Tədbirdə Sabirabad RİH başçısının birinci müavini Həsən Həsənov, Sabirabad RİH başçısı aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Əliabbas Həsənov, DQİDK-nın İmişli bölgəsi üzrə şöbəsinin əməkdaşı Elvin İbrahimov, Sabirabad rayon Gənclər və idman idarəsinin rəisi Nadir Quliyev, “Gənclərin Sosial-İqtisadi və Mədəni İnkişafına Dəstək” İctimai Birliyinin sədri Cavid Əliyev, rayon ictimaiyyətinin və gənclərin nümayəndələri iştirak etmişdilər. Əvvəlcə "Gənclərin Sosial-İqtisadi və Mədəni İnkişafına Dəstək” İctimai Birliyinin sədri Cavid Əliyev çıxış edərək layihənin keçirilmə məqsədi və hədəfləri barədə iştirakçılara ətraflı məlumat vermişdir.

  • “Muğan Düzü” Sosial İnkişaf İctimai Birl...

    “Muğan Düzü” Sosial İnkişaf İctimai Birliyi Sabirabad rayonunda təlim keçirib

    2022-04-22

    21-22 aprel 2022-ci il tarixlərdə "Muğan Düzü” Sosial İnkişaf İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyilə "Aran bölgəsində əhalinin sosial problemlərinin həlli istiqamətində sosial-iqtisadi islahatların həyata keçirilməsi ilə əlaqədar maneələrin aradan qaldırılması və maarifləndirmə" layihəsi çərçivəsində Sabirabad rayonu Bayrağ Muzeyində tədbir keçirilmişdir. Tədbirdə Sabirabad rayon icra hakimiyyəti başçısının birinci müavini Həsən Həsənov, RİHB-nın müavini - İctimai-siyasi və humanitar məsələlər şöbəsinin müdiri Ceyran Xəlilova, “Muğan Düzü” SİİB-in sədri Vidadi Quliyev, layihə rəhbəri, ekspert, rayon QHT rəhbərləri, sahibkarlar və əmək sahələrində çalışan işçilər iştirak etmişdir. Əvvəlcə vətənimizin bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib. Tədbirdə çıxış edən Sabirabad rayon icra hakimiyyəti başçısının birinci müavini Həsən Həsənov rayon haqqında məlumat verərək tədbir iştirakçılarını salamlamışdır.

  • Sabirabad rayonunda informasiya əldə etmək hüq...

    Sabirabad rayonunda informasiya əldə etmək hüququnun müdafiəsi ilə bağlı maarifləndirmə tədbiri keçirilib

    2022-04-20

    Azərbaycan Respublikasının İnsan Hüquqları üzrə Müvəkkili (Ombudsman) Aparatı tərəfindən Sabirabad rayon Heydər Əliyev Mərkəzində informasiya əldə etmək hüququnun müdafiəsi üzrə hüquqi maarifləndirmə tədbiri təşkil edilib. Tədbirdə Sabirabad rayon icra hakimiyyəti başçısının birinci müavini Həsən Həsənov, Sabirabad RİHB-nin müavini - İctimai-siyasi və humanitar məsələlər şöbəsinin müdiri Ceyran Xəlilova, YAP Sabirabad rayon təşkilatının sədri Varis Rüstəmov, idarə, müəssisə və təşkilat rəhbərləri, ictimaiyyətin və gənclərin nümayəndələri iştirak ediblər. Əvvəlcə tədbir iştrakçıları Ümummilli lider Heydər Əliyevin rayonun mərkəzi meydanında ucaldılan abidəsini ziyarət edərək önünə gül dəstələri düzüblər. Sonra çıxışlar zamanı İnsan Hüquqları üzrə Müvəkkil (Ombudsman) tərəfindən informasiya sahibi olan dövlət orqanlarının, yerli özünüidarə orqanlarının və vəzifəli şəxslərin “İnformasiya əldə etmək haqqında” Azərbaycan Respublikasının Qanununun tələblərindən irəli gələn vəzifələri yerinə yetirməsinə nəzarətin həyata keçirilməsi, informasiya əldə etmək hüququnun təmini və təbliği, bu hüququn pozulması ilə əlaqədar daxil olan müraciətlərin baxılması və cavablandırılması, monitorinq və təhlillərin həyata keçirilməsi ilə bağlı məlumatlar tədbir iştirakçılarının nəzərinə çatdırılıb.

  • Sabirabad rayon icra hakimiyyəti başçısının ...

    Sabirabad rayon icra hakimiyyəti başçısının növbəti səyyar görüş-qəbulu Qaragüney kəndində keçirilmişdir

    2022-04-19

    Sabirabad rayon icra hakimiyyətinin başçısı Siraqəddin Cabbarov hüquq-mühafizə orqanlarının, əlaqədar idarə və təşkilat rəhbərlərinin iştirakı ilə Qaragüney kənd sakinləri ilə səyyar görüş-qəbul keçirib. Rayon icra hakimiyyətinin başçısı çıxış edərək ölkə prezidenti cənab İlham Əliyevin verdiyi tapşırıqların həyata keçirilməsi, əhalinin problemlərinin öyrənilməsi və operativ həlli üçün keçirilən bu cür görüşlərin önəmli olduğunu qeyd edərək, belə səyyar görüşlərin davamlı olacağını bildirib. S.Cabbarov Azərbaycan Respublikasının Prezidenti cənab İlham Əliyev tərəfindən qəbul edilən, əhalinin sosial müdafiəsinə və rifah halının yüksəldilməsinə yönəldilmiş son qərarlardan danışaraq bütün bunların vətəndaşlara olan dövlət qayğısının göstəricisi olduğunu bildirib. Görüşdə vətəndaşlardan Arzu Nəsirova, Bəxtiyar Şakirov, Raqif Nurəhmədov və başqaları tərəfindən qaldırılan sosial məsələlər nəzarətə götürülüb və onların həlli ilə bağlı rayon icra hakimiyyətinin başçısı tərəfindən aidiyyatı vəzifəli şəxslərə müvafiq tapşırıqlar verilib.

  • Kənd təsərrüfatı naziri İnam Kərimov Sabira...

    Kənd təsərrüfatı naziri İnam Kərimov Sabirabad rayonunda fermerlərlə görüş keçirmişdir

    2022-04-19

    Sabirabad rayonunun Kürkəndi kəndində fermer Xalıq Zülfüqarovun 10 hektarlıq sahəsində çiyid səpini həyata keçirilib. Tədbirdə kənd təsərrüfatı naziri İnam Kərimov, pambıq şirkətlərinin rəhbərləri, Sabirabad rayonunun pambıqçı fermerləri iştirak ediblər. 2022-ci ildə Sabirabad rayonunda 11 min hektardan artıq sahədə pambıq əkini proqnozlaşdırılır. Artıq arat olunmuş sahələrdə çiyid səpini başlayıb. Ötən il pambıq qəbulu məntəqələrinə 27 min tondan artıq məhsul təhvil verən sabirabadlı fermerlər bu il daha yüksək məhsuldarlıq əldə etməyə hazırlaşırlar. Səpinə hazırlıq dövründə sahələr arat olunub, lazer mala ilə hamarlama işləri aparılıb, keyfiyyətli toxum və gübrə təminatı həyata keçirilib. Açıq sahədə pambıqçı fermerlərlə görüşdə toxum seçimi, texnika ilə təminat, əkin sahələrinin Elektron Kənd Təsərrüfatı İnformasiya Sistemində vaxtında bəyan edilməsi, pambıqçılıqda tam məhsul subsidiyasına keçidin fermerlərə verdiyi üstünlüklər və digər mövzular ətrafında müzakirələr aparılıb. Fermerlərin təklifləri qeydə alınıb, müraciətin icrası üçün tapşırıqlar verilib.

  • Sabirabad rayonunda şəhidlərin xatirəsinə &qu...

    Sabirabad rayonunda şəhidlərin xatirəsinə "Vətən Bağı" salındı

    2022-04-19

    "Qırmızı Ürəklər" Fondu, Pmd.az və Kapital Bankın birgə təşkilatçılığı ilə "Hər şəhid üçün bir ağac əkək" şüarı ilə həyata keçirilən "Vətən bağı" layihəsi çərçivəsində şəhid qəhrəmanlarımızın xatirəsini əbədiləşdirmək məqsədilə Sabirabad rayonundan olan 269 şəhidin xatirəsinə Sabirabad rayonu Heydər Əliyev Parkının ərazisində "Vətən Bağı" salındı. Ağacəkmə aksiyasında şəhid ailələri, Sabirabad rayon ictimaiyyətinin nümayəndələri, PMD-nin, Kapital Bankın və Qırmızı Ürəklər Fondunun əməkdaşları iştirak etmişdir. Layihə çərçivəsində hər bir rayonda şəhidlik zirvəsinə ucalan igid qəhrəmanlarımızın sayına uyğun ağaclar əkilərək “Vətən Bağ”ları salınır. Bu layihə vətəndaşlarımız arasında ekoloji tərbiyəni gücləndirmək, Azərbaycanın ekoloji mühitinə töhfə vermək və şəhidlərimizin xatirəsini əbədiləşdirmək məqsədi daşıyır.

  • Bu gün görkəmli oftalmoloq alim, akademik Zəri...

    Bu gün görkəmli oftalmoloq alim, akademik Zərifə xanım Əliyevanın vəfatından 37 il ötür

    2022-04-15

    Zərifə xanım Əliyeva 1985-ci il aprel ayının 15-də Moskva şəhərində vəfat edib. Onun cənazəsi 1994-cü ildə Moskvanın Novo-Deviçye qəbiristanlığından Bakıya gətirilərək Fəxri Xiyabanda, atasının məzarı yanında dəfn olunub. Qeyd edək ki, Zərifə Əliyeva 1923-cü il aprelin 28-də Naxçıvan MR-in Şərur rayonunda anadan olub. 1947-ci ildə N.Nərimanov adına Azərbaycan Dövlət Tibb İnstitutunu bitirib. Azərbaycan Elmi-Tədqiqat Oftalmologiya İnstitutunda elmi işçi, 1969-cu ildən isə Ə.Əliyev adına Azərbaycan Həkimləri Təkmilləşdirmə İnstitutunda göz xəstəlikləri kafedrasının dosenti, professor, görmə orqanlarının peşə patologiyası laboratoriyasının müdiri, oftalmologiya kafedrasının müdiri (1982-1985) vəzifələrində çalışıb. Zərifə xanım Əliyevanın Azərbaycanda oftalmologiya elminin inkişafında müstəsna xidmətləri var. O, vaxtilə Azərbaycanda geniş yayılmış traxomanın, dünya təcrübəsində birincilər sırasında peşə, xüsusilə kimya və elektron sənayelərində peşə fəaliyyəti ilə bağlı göz xəstəliklərinin öyrənilməsi, profilaktikası və müalicəsinə, habelə oftalmologiyanın müasir problemlərinə dair bir çox sanballı tədqiqatların, o cümlədən “Terapevtik oftalmologiya”, “İridodiaqnostikanın əsasları” kimi nadir elmi əsərlərin müəlliflərindən biri, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirici təklifin müəllifidir. Zərifə Əliyeva yüksək ixtisaslı səhiyyə kadrları hazırlanmasına böyük əmək sərf edib.

  • Sabirabadda Vətən Müharibəsi şəhidi Rzayev E...

    Sabirabadda Vətən Müharibəsi şəhidi Rzayev Elxan Aris oğlunun xatirəsinə həsr olunmuş "Xəmsə" Milli İntelektual Oyunları üzrə turnir keçirilib

    2022-04-14

    Sabirabad rayon Heydər Əliyev Mərkəzində Sabirabad Rayon İcra Hakimiyyətinin və Sabirabad rayon Gənclər və idman idarəsinin təşkilatçılığı ilə Vətən Müharibəsi şəhidi Rzayev Elxan Aris oğlunun xatirəsinə həsr olunmuş "Xəmsə" Milli İntelektual Oyunları üzrə turnir keçirilmişdir. Əvvəlcə vətənimizin bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib. Turnirin açılış mərasimini açıq elan edən Sabirabad rayon Gənclər və idman idarəsinin rəisi Nadir Quliyev şəhidlərimizin xatirəsini yaşadmaq və onları gələcək nəsillərə təbliğ etmək hər birimizin işi olduğunu qeyd etmişdir. Sonra Sabirabad rayon icra hakimiyyəti başçısının birinci müavini Həsən Həsənov Vətən Müharibəsində qazandığımız qələbədən, əsgərlərimizin şücaətindən danışıb. O bildirib ki, Azərbaycan Respublikasının Prezidenti, Müzəffər Ali Baş Komandan İlham Əliyevin uzaqgörən siyasəti, qətiyyəti və düzgün qərarları sayəsinə 30 illik vətən həsrətinə son qoyuldu. Şəhidlərimizin, qazilərimizin və bütünlükdə ordumuzun döyüş əzmi, qəhrəmanlığı qarşısında düşmən duruş gətirə bilmədiyini, ağ bayraq qaldıraraq kapiltulyasiya aktına imza atdığını deyən H.Həsənov qeyd edib ki, bununla da Azərbaycan xalqı bütün dünyada müzəffər xalq kimi tanındı.

  • Sabirabadda Vətən müharibəsi şəhidləri Bəx...

    Sabirabadda Vətən müharibəsi şəhidləri Bəxtiyar Mayılov və Firavan Əsgərovun əziz xatirəsinə həsr olunmuş şahmat turniri keçirilib

    2022-04-12

    Sabirabad şəhər Uşaq gənclər idman və şahmat məktəbində Sabirabad rayon icra hakimiyyətinin və Sabirabad rayon Gənclər və idman idarəsinin təşkilatçılığı ilə Vətən müharibəsi şəhidləri Bəxtiyar Mayılov və Firavan Əsgərovun əziz xatirəsinə həsr olunmuş şahmat turniri keçirilmişdir. Əvvəlcə vətənimizin bütövlüyü uğrunda canından keçmiş şəhidlərimizin əziz xatirəsi bir dəqiqəlik sükutla yad edilib. Turnirin açılış mərasimini açıq elan edən Sabirabad rayon Gənclər və idman idarəsinin rəisi Nadir Quliyev, şəhidlərimizin xatirəsini yaşadmaq və onları gələcək nəsillərə təbliğ etmək hər birimizin işi olduğunu qeyd etmişdir. Sonra Sabirabad rayon icra hakimiyyəti başçısının birinci müavini Həsən Həsənov Vətən Müharibəsində qazandığımız qələbədən, əsgərlərimizin şücaətindən danışıb. O bildirib ki, Azərbaycan Respublikasının Prezidenti, Müzəffər Ali Baş Komandan İlham Əliyevin uzaqgörən siyasəti, qətiyyəti və düzgün qərarları sayəsinə 30 illik vətən həsrətinə son qoyuldu. Şəhidlərimizin, qazilərimizin və bütünlükdə ordumuzun döyüş əzmi, qəhrəmanlığı qarşısında düşmən duruş gətirə bilmədiyini, ağ bayraq qaldıraraq kapiltulyasiya aktına imza atdığını deyən H.Həsənov qeyd edib ki, bununla da Azərbaycan xalqı bütün dünyada müzəffər xalq kimi tanındı.

  • Sabirabad rayon icra hakimiyyəti başçısının ...

    Sabirabad rayon icra hakimiyyəti başçısının növbəti səyyar görüş-qəbulu Türkədi kəndində keçirilmişdir

    2022-04-12

    Sabirabad rayon icra hakimiyyətinin başçısı Siraqəddin Cabbarovun Türkədi kəndində Yolçubəyli kənd inzibati ərazi dairəsinə daxil olan Yolçubəyli, Narlıq və Türkədi kənd sakinləri ilə səyyar görüş-qəbulu keçirilib. Görüşdə rayon İcra Hakimiyyətinin başçısı aparatının məsul işçiləri, hüquq-mühafizə orqanlarının və xidmət təşkilatlarının rəhbərləri iştirak etmişlər. Sabirabad rayon icra hakimiyyətinin başçısı Siqaqəddin Cabbarov çıxış edərək kənd sakinlərini salamlamış, ölkəmizdə sosial-iqtisadi sahədə qazanılan uğurlardan, eləcə də Sabirabad rayonunda aparılan tikinti-quruculuq, abadlıq işlərindən, əhalinin sosial problemlərinin həlli istiqamətində həyata keçirilən tədbirlərdən ətraflı məlumat vermişdir. Səyyar görüş-qəbulda çıxış edən kənd sakinlərindən Fərman Salmanov, Əlövsət Mövləmov, Haqverdi Əliyev və başqaları kəndin mövcud problemlərdən danışmışlar. Görüş-qəbulda vətəndaşlar tərəfindən qaldırılan məsələlərin bir qismi yerindəcə öz həllini tapıb, digər məsələlərin həlli ilə bağlı rayon icra hakimiyyətinin başçısı aidiyyatı təşkilatların rəhbərlərinə müvafiq tapşırıq və göstərişlər vermişdir.

  • Gənclər və idman naziri Fərid Qayıbov Sabirab...

    Gənclər və idman naziri Fərid Qayıbov Sabirabad rayonunda səfərdə olub

    2022-04-09

    Sabirabad rayonuna səfəri çərçivəsində Sabirabad Olimpiya İdman Kompleksinin şəraiti ilə tanış olan Gənclər və idman naziri Fərid Qayıbov idman qurğularının daha səmərəli və effektiv idarə edilməsi ilə bağlı fikir mübadiləsi aparıb, müvafiq tövsiyələr verib. Kompleksdə mövcud idman bölmələrində aktivliyin və peşəkar yanaşmanın artırılmasının, uşaq və gənclərin məşqlərə cəlb edilməsinin, idman qurğularında marketinq işinin müasir tələblər səviyyəsində qurulmasının vacibliyini vurğulayıb. Səfər çərçivəsində gənclər və idman naziri Gənclər Mərkəzinin fəaliyyəti ilə də maraqlanıb. Bu mərkəzlərdə gənclər üçün daha da faydalı olacaq yeni bölmələrin yaradılması, yaradıcı gənclərlə işin yüksək səviyyədə təşkili üçün müvafiq tapşırıqlar verib.

  • Rəqəmsal İnkişaf və Nəqliyyat Naziri Rəşad...

    Rəqəmsal İnkişaf və Nəqliyyat Naziri Rəşad Nəbiyev Sabirabadda vətəndaşları qəbul edib

    2022-04-08

    Mərkəzi icra hakimiyyəti orqanları və digər idarəetmə qurumlarının rəhbərlərinin 2022-ci ilin aprel ayı üzrə şəhər və rayonlarda vətəndaşları qəbulu cədvəlinə əsasən, rəqəmsal inkişaf və nəqliyyat naziri Rəşad Nəbiyev Sabirabad rayonunda vətəndaşları qəbul edib. Qəbuldan əvvəl nazir Azərbaycan xalqının Ümummilli lideri Heydər Əliyevin Sabirabad şəhərinin mərkəzində ucaldılmış abidəsini ziyarət edib və önünə gül dəstəsi qoyub. Sabirabad rayon Heydər Əliyev Mərkəzində keçirilən qəbulda Sabirabad, Saatlı və İmişli rayon sakinlərinin nəqliyyat, telekommunikasiya, o cümlədən internet, teleradio yayımı və poçt xidmətləri ilə bağlı müraciətləri dinlənilib. Nazir Rəşad Nəbiyev müraciətlərin mövcud qanunvericiliyin tələblərinə uyğun və operativ şəkildə araşdırılması ilə əlaqədar nazirliyin müvafiq qurumlarının rəhbərlərinə tapşırıqlar verib. Vətəndaşların müraciətlərində qaldırılan problemlərin bir qismi yerində həllini tapıb. Rəqəmsal İnkişaf və Nəqliyyat Nazirliyinin fəaliyyət sahələrinə aid olmayan məsələlərlə bağlı müraciətlərin isə qeydiyyata alınaraq müvafiq qurumlara göndərilməsi təmin olunacaq.

  • Rəqəmsal inkişaf və nəqliyyat naziri Rəşad ...

    Rəqəmsal inkişaf və nəqliyyat naziri Rəşad Nəbiyev Sabirabadda bir sıra tədbirlərdə iştirak edib

    2022-04-08

    Rəqəmsal inkişaf və nəqliyyat naziri Rəşad Nəbiyev Sabirabad rayonuna səfəri çərçivəsində bir sıra tədbirlərdə iştirak edib. Belə ki, nazir Rəşad Nəbiyev Sabirabadda şəhid və qazi ailələrini ziyarət edib və şəhid Asim Əliyevin ailə üzvləri ilə görüşüb. Görüşdə şəhidlə bağlı xatirələrdən, onun Vətən müharibəsində göstərdiyi şücaətdən danışılıb. Rəşad Nəbiyev, həmçinin qazi Tural Qəhrəmanovun evində qonaq olub. Nazir şəhid və qazi ailələrinin qayğıları ilə yaxından maraqlanıb. Rəqəmsal İnkişaf və Nəqliyyat Nazirliyi tərəfindən hər iki ailəyə hədiyyələr təqdim edilib. Daha sonra Rəqəmsal inkişaf və nəqliyyat naziri Rəşad Nəbiyev Milli Məclisin üzvü Kamal Cəfərovla birlikdə “Sabirabad Rəqəmsal İnkişaf” layihəsinin təqdimat mərasimində iştirak edib. Təqdimatda qeyd olunub ki, Rəqəmsal İnkişaf və Nəqliyyat Nazirliyinin dəstəyi ilə həyata keçirilən layihənin məqsədi sabirabadlı gənclərdə rəqəmsal bacarıqların formalaşdırılması və artırılmasına töhfə verməkdir. Bildirilib ki, proqram çərçivəsində pilot olaraq 10 gənc seçiləcək və onlara proqramlaşdırma, dizayn və digər sahələrdə bilik və bacarıqlara yiyələnmək üçün şərait yaradılacaq. Təlimlər Yeni Azərbaycan Partiyasının Sabirabad rayon təşkilatının inzibati binasında keçiriləcək.

  • Sabirabad rayon icra hakimiyyəti başçısının ...

    Sabirabad rayon icra hakimiyyəti başçısının növbəti səyyar görüş-qəbulu Cavad kəndində keçirilmişdir

    2022-04-05

    Sabirabad rayon icra hakimiyyətinin başçısı Siraqəddin Cabbarov rayonun Cavad kənd sakinləri ilə səyyar görüş-qəbul keçirmişdir. Görüş-qəbulda hüquq-mühafizə orqanlarının, xidmət təşkilatlarının rəhbərləri və kənd sakinləri iştirak etmişlər. Rayon icra hakimiyyətinin başçısı çıxış edərək kənd sakinlərini salamlamış, ölkəmizdə sosial-iqtisadi sahədə qazanılan uğurlardan, həmin işlərin fonunda Azərbaycan Respublikasının Prezidenti cənab İlham Əliyevin bölgəyə göstərdiyi xüsusi diqqət və qayğıdan, eləcə də Sabirabad rayonunda aparılan tikinti-quruculuq işlərindən, əhalinin sosial problemlərinin həlli istiqamətində həyata keçirilən tədbirlərdən ətraflı danışmışdır. Sonra kənd sakinləri şəhid atası Fuad Abbasov, Taleh Nuriyev, Sərhəd Məmmədov, Rafiq Hüseynov və başqaları çıxış edərək onları narahat edən sosial məsələlərin həlli ilə bağlı təkliflər irəli sürmüşlər. Kənd sakinləri görüş-qəbul zamanı Cavad-Narlıq kəndlərarası avtomobil yolunun əsaslı təmir olunmasına, qəbul məsələləri, əkin sahələrinin su ilə təminatının yaxşılaşdırılmasına və digər məsələlərin həllinə köməklik göstərilməsini xahiş etmişlər.

  • Sabirabad rayonunda 31 Mart - Azərbaycanlıların...

    Sabirabad rayonunda 31 Mart - Azərbaycanlıların soyqırımı qurbanlarının xatirəsi ehtiramla yad edilib

    2022-03-31

    “31 Mart – Azərbaycanlıların soyqırımı qurbanlarının xatirəsinə abidə kompleksi”ndə keçirilən anım mərasimində əvvəlcə soyqırım qurbanlarının və torpaqlarımızın ərazi bütövlüyü uğrunda şəhid olanların xatirələri bir dəqiqəlik sükutla yad edilib. Tədbirdə çıxış edənlər Ümummilli lider Heydər Əliyevin 26 mart 1998-ci il tarixli Fərmanı ilə hər il mart ayının 31-nin Azərbaycanlıların Soyqırımı Günü kimi dövlət səviyyəsində qeyd olunmasının əhəmiyyətini xüsusi vurğulayıblar. Azərbaycan Respublikasının Prezidenti cənab İlham Əliyevin, eləcə də Heydər Əliyev Fondunun ermənilərin xalqımıza qarşı törətdikləri soyqırımıların dəhşətlərinin dünyaya tanıdılması istiqamətində həyata keçirdiyi məqsədyönlü tədbirlər qeyd olunub.

  • Sabirabad rayonunda "31 mart Azərbaycanlıla...

    Sabirabad rayonunda "31 mart Azərbaycanlıların soyqırımının" anım mərasimi ilə bağlı tədbir keçirildi

    2022-03-31

    Sabirabad şəhəri Heydər Əliyev Mərkəzində Sabirabad Rayon İcra Hakimiyyəti və "Xocalı Soyqırımını Tanıtma" İctimai Birliyinin təşkilatçılğı ilə "31 mart Azərbaycanlıların soyqırımının" anım mərasimi ilə bağlı tədbir keçirildi. Tədbirdə Sabirabad rayon icra hakimiyyəti başçısının birinci müavini Həsən Həsənov, Sabirabad rayon icra hakimiyyəti başçısı aparatının ictimai-siyasi və humanitar məsələlər şöbəsinin müdiri Ceyran Xəlilova, Yeni Azərbaycan Partiyası Sabirabad rayon təşkilatının aparat rəhbəri Ağadadaş Həsənov, "Xocalı Soyqırımını Tanıtma" İctimai Birliyinin sədri, müharibə veteranı Şamil Sabiroğlu, birliyin üzvü Kazım Tağızadə, Sabirabad rayon Gənclər və idman idarəsinin rəisi Nadir Quliyev və gənclər iştirak etmişlər. Əvvəlcə Azərbaycan Respublikasının Dövlət Himni səsləndi. Daha sonra Vətən torpaqları uğrunda şəhid olan soydaşlarımızın ruhu bir dəqiqəlik sükutla yad edilmiş, Xocalı Soyqırımı ilə bağlı hazırlanmış videoçarx nümayiş olunmuşdur.