Sabirabadda “turistik kənd” konsepsiyasına uyğun olaraq turizm infrastrukturunun yaradılması ilə bağlı təkliflər irəli sürülmüşdür
Sabirabad Rayon İcra Hakimiyyəti və KOBİA-nın Sabirabad regional koordinatorluğunun birgə təşkilatçılığı ilə “Azərbaycan Respublikasının 2022–2026-cı illərdə sosial-iqtisadi inkişaf Strategiyası”nın təsdiq edilməsi haqqında Azərbaycan Respublikası Prezidentinin 22.07.2022-ci il tarixli 3378 nömrəli Sərəncamı ilə təsdiq edilmiş Dövlət Proqramının 2.3.1.2-ci tapşırığının icrası (Turizm potensialı olan kəndlərdə “turistik kənd” konsepsiyasına uyğun olaraq turizm infrastrukturunun yaradılması) və “Turizm potensialının genişləndirilməsi istiqamətində marketinq və kommunikasiya planı üzrə mövcud imkanlar, problemlər və perspektivlər” barədə görüş keçirilmişdir.
Görüşdə RİHB-nin birinci müavini Həsən Həsənov, Sabirabad RİHB-nın müavini - Sosial-iqtisadi inkişafın təhlili və proqnozlaşdırılması şöbəsinin müdiri Nəsir Mirzəliyev, KOBİA-nın Sabirabad regional koordinatorluğunun koordinatoru Piri Hüseynov iştirak etmişdir.
Sonda sahibkarları maraqlandıran sualların cavablandırılmış və rayon ərazisində “turistik kənd” konsepsiyasına uyğun olaraq turizm infrastrukturunun yaradılması ilə bağlı təkliflər irəli sürülmüşdür.
