Sabirabadda məişət zorakılığı ilə mübarizə mövzusunda məlumatlandırma və maarifləndirmə mövzusunda tədbir keçirilib

İyulun 27-də Sabirabad Rayon İcra Hakimiyyəti tərəfindən “Azərbaycan Respublikasında məişət zorakılığı ilə mübarizəyə dair 2020–2023-cü illər üçün Milli Fəaliyyət Planı”nın 12.2.4-cü bəndinin  “Səhiyyə işçiləri, daxili işlər və yerli icra hakimiyyəti orqanlarının əməkdaşları üçün məişət zorakılığı ilə mübarizə mövzusunda məlumatlandırma və maarifləndirmə tədbirlərinin keçirilməsi” ilə bağlı tədbir keçirilib.

Mərkəzdə təşkil olunmuş tədbirdə Sabirabad Rayon İcra Hakimiyyəti başçısı yanında Yetkinlik yaşına çatmayanların işləri və hüquqlarının müdafiəsi üzrə komissiyanın məsləhətçi-psixoloqu Nazim Sultanov, Sabirabad RİHB aparatı yanında gender zorakılığı və uşaqlara qarşı zorakılıq üzrə monitorinq qruplarının üzvləri, rayon Polis şöbəsinin əməkdaşları, səhiyyə işçiləri, QHT mənsubları, məktəb müəllimləri, psixoloqlar və könüllü gənclər iştirak ediblər.

Sabirabad RİHB aparatı yanında Yetkinlik yaşına çatmayanların işləri və hüquqlarının müdafiəsi üzrə komissiyanın məsləhətçi-psixoloqu Nazim Sultanov Sabirabad rayonunda məişət zorakılığının qarşısının alınması istiqamətində aidiyyəti qurumlarla birgə görülən ardıcıl işlərdən və bu sahədə mövcud vəziyyət barədə ətraflı məlumat verib.

Daha sonra çıxış edənlər məişət zorakılığının subyektləri, cəmiyyətdə və məişətdə qadın zorakılığı, zorakılığın formaları, erkən və məcburi nikah mövzusunda çıxış edib.

Sonda mövzu ilə əlaqədar müzakirə aparılıb, suallar cavablandırılıb.