Sabirabad rayonunda Yeni Azərbaycan Partiyasının təsis olunmasının 32-ci ildönümünə həsr edilmiş tədbir keçirilib
Yeni Azərbaycan Partiyası Sabirabad rayon təşkilatında partiyanın təsis olunmasının 32-ci ildönümünə həsr edilmiş tədbir keçirilib.
Tədbir iştirakçıları əvvəlcə Ümummilli Lider Heydər Əliyevin abidəsini ziyarət edib, önünə gül dəstələri düzüb, xatirəsini ehtiramla yad ediblər.
Tədbirdə əvvəlcə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin xatirəsi bir dəqiqəlik sükutla yad edilib.
Sonra “Yeni Azərbaycan Partiyası dünənin, bu günün və gələcəyin partiyasıdır” adlı videoçarx nümayiş olunub.
Daha sonra Yeni Azərbaycan Partiyası Sabirabad rayon təşkilatının sədri Varis Rüstəmov, Sabirabad Rayon İcra Hakimiyyəti başçısının birinci müavini Həsən Həsənov, Mil-Muğan Regional Gənclər və İdman İdarəsinin rəisi Nadir Quliyev, şəhid ataları Fəzail Cəfərov və Ziyadxan Gözəlov, partiya veteranı Məhərrəm Məhərrəmov, gənc partiya fəalı Murad Həsənli və başqaları çıxış ediblər.
Bir sıra partiya fəalı Fəxri Fərman və sertifikatlarla təltif olunublar. Partiyaya sıralarına daxil olan bir qrup şəxsə isə üzvlük vəsiqələri təqdim olunub.
