Sabirabad rayonunda təhsil və tibb işçilərinin iştirakı ilə seminar keçirilib

Sabirabad Rayon İcra Hakimiyyətinin dəstəyi ilə Azərbaycan Respublikası Səhiyyə Nazirliyi "Respublika Gigiyena və Epidemiologiya Mərkəzi" Publik Hüquqi Şəxsin mütəxəssisləri tərəfindən Əli Qurbanov adına Qalağayın kənd tam orta ümumtəhsil məktəbində Sabirabad rayonunda Mil-Muğan Regional Təhsil  İdarəsinin tabeliyində olan rayonların (Sabirabad, İmişli, Saatlı, Beyləqan rayonları) ümumtəhsil orta və məktəbəqədər təhsil  müəssisələrinin rəhbərləri, eləcə də tibb işçilərinin iştirakı ilə seminar keçirilib.

Tədbirdə 10 noyabr 1992-ci il tarixli 371 nömrəli “Sanitariya-epidemiolji salamatlıq haqqında” Qanuna və digər hüquqi sənədlərə istinad edilərək uşaq və yeniyetmələr arasında epidemiya əleyhinə və profilaktika tədbirlərin görülməsi, su ilə bağlı gigiyenik biliklərin artırılması, uşaq, yeniyetmələr və gənclər arasında sanitariya-epidemioloji salamatlığının təmin edilməsi, həmçinin yoluxucu xəstəliklərə  qarşı profilaktik tədbirlərin gücləndirilməsi, sağlam  ətraf  mühit və sağlam  həyat  tərzinin təbliği, narkomaniya, spirtli içkilərin və tütün çəkmənin zərərlərinə dair Dövlət Proqramlarından  irəli  gələn  tədbirlərin icrası  və  maarifləndirmə  işinin təşkilinə dair geniş müzakirə aparılıb,  təqdimat nümayiş olunub.

Sonda tədbir iştirakçılarına müxtəlif mövzularda təbliğat materialları təqdim edilib.