Sabirabadda soyqrım qurbanlarının xatirəsinə böyük ehtiram

Min illərdən üzübəri davam edən unutqanlığımız, laqeyidliyimiz xalqımızın saysız-hesabsız erməni cinayətlərinə tuş etmişdir. Azərbaycanın minlərlə qəhrəman övladları, zəka sahibləri məhz erməni xəyanətinin qurbanı olmuşlar.
İlk dəfə Ümummilli liderimiz Heydər Əliyev xalqımızın tarixi və milli yaddaşını özünə qaytardı, unutqanlığımıza son qoydu, ermənilər tərəfindən azərbaycanlıların soyqrımı barədə ilk hüquqi sənədi tariximizin səhifəsinə yazdı. Bu gün isə Azərbaycan Prezidenti cənab İlham Əliyev erməni kimliyini, armənilərlə bağlı həqiqətləri dünyaya çatdırır, xalqımızın qan yaddaşını möhkəmləndirir. Ölkə başçısının bu istiqamətdə siyasəti Sabirabad rayonunda da ardıcıllıqla yerinə yetirilir. Rayonda 31 mart azərbaycanlıların soyqrımı gününün qeyd edilməsi barədə rayon İcra Hakimiyyəti başçısı Nazim İsmayılovun Sərəncamı ilə geniş tədbirlər plpnı təsdiq olunmuş, idarə və müəssisələrdə, təhsil ocaqlarında bu səpgili tədbirlər keçirilmişdir.
Martın 31-də isə bu tədbirlərin davamı olaraq şəhərin Muğan prospektində soyqrım qurbanlarının xatirəsinə ucaldılmış «Kədərli Ana» abidə kompleksinin önünə tər güllər düzülmüş, sonra şəhər Mədəniyyət evində bu münasibətlə geniş mərasim keçirilmişdir. Tədbirin əvvəlində soyqrım qurbanlarının xatirəsi bir dəqiqəlik sükutla yad olunmuşdur. Sabirabad rayon İcra Hakimiyyətinin başçısı Nazim İsmayılov çıxış edərək tarixin müxtəlif mərhələlərində xalqımızın başına gətirilən müsibətlərdən danışmış, Ulu öndərimiz Heydər Əliyevin «Azərbaycanlıların soyqrımı haqqında» fərmanının tarixi əhəmityyətindən bəhs etmiş, bu gün ölkə Prezidenti cənab İlham Əliyevin Dağlıq Qarabağla bağlı siyasətini mərasim iştirakçılarına çatdırmışdır. Natiq çıxışını Prezidentin aşağıdakı sözləri ilə başa vurmuşdur: « İndiki Ermənistanın yerləşdiyi ərazi qədim türk, Azərbaycan torpaqlarıdır. Əgər onlaro öz xalqının gələcəyi haqqında düşünürlərsə, öz siyasətlərində dəyişiklik etməlidirlər. Azərbaycanın işğal olunmuş torpaqlarından qeyri-şərtsiz çıxmalıdırlar»
Yığıncaqda çıxış edən ötən əsrin 50-ci illərində Ermənistandan ailəsi ilə birgə deportasiya olunmuş Adil Bağırov, Zəngilan rayonundan məcburi köçkün Bilal Hətəmov, məktəbli gənc Məryəm Nuriyeva erməni cinayətlərindən söz açmış və ermənilərin soyrrım siyasətinin ifşasında dövlət başçısı ilə yanaşı Heydər Əliyev Fondunun prezidenti Mehriban xanım Əliyevaya və Fondun Moskvadakı təmsilçisi Leyla xanıma dgnə-dgnə təşəkkürlərini bildirmişlər.
Sonda əlillərdən ibarət «Mübarizlər» qrupunun iştirakı ilə «Xocalı harayı» adlı ədəbi-bədii kompozisiya göstərilmişdir.