Home Contact Phone
background

Xəbərlər

  • Ulu öndər Heydər Əliyevin 14 iyulda hakimiyyə...

    Ulu öndər Heydər Əliyevin 14 iyulda hakimiyyətə gəlişi Azərbaycan dövlətçiliyinin əsasını qoydu

    2021-07-14

    Heydər Əlirza oğlu Əliyev. Bu ad, bu soyad müasir, çağdaş Azərbaycanın tarixinə qızıl hərflərlə və əbədi həkk olunmuş bir isim, bir soyaddır. Azərbaycanın son 52 illik tarixi bütövlükdə bu dahi şəxsiyyətin adı ilə bağlıdır. 1969-cu ilin iyulun 14-dən Azərbaycan xalqı Heydər Əliyev nuru, işığı altında irəliləyir, yolumuza işıq, nur saçan, mayak olan Ulu Öndərimizdir. 1969-cu ilin tarixi 14 iyul günündə Azərbaycan xalqı böyük və unudulmaz bir hadisə yaşadı. Həmin gün ulu öndər Heydər Əliyev ilk dəfə hakimiyyətə gəldi, Sovet İttifaqının tərkibində olan Azərbaycana rəhbərlik etməyə başladı. Hakimiyyətə gəlişi ilə Ulu Öndər bütün sahələrdə geridə qalan, tənəzzül dövrünü yaşayan, rüşvət girdabında çabalayan Azərbaycanı qısa zaman kəsiyində keçmiş İttifaqın ən qabaqcıl respublikalarından, sənaye mərkəzlərindən birinə çevirdi, ölkəmizdə rüşvəxtorluğa qarşı əsl mübarizə başlatdı və onu bu bataqlıqdan xilas etdi. Ümummilli lider Heydər Əliyevin işgüzarlığı, təşkilatçılıq bacarığı, yüksək idarəçilik qabiliyyəti Azərbaycanı dirçəltdi, ayağa qaldırdı. 1970-ci illərin əvvəllərinədək barmaqla sayılacaq qədər olan azərbaycanlı Sosialist Əməyi qəhrəmanlarının, SSRİ Xalq artistlərinin sayı məhz Ulu Öndərin Azərbaycan zəhmətkeşinə, ziyalısına verdiyi yüksək qiymət sayəsində artdı, bütün yüksək tribunalardan Azərbaycan insanının, azərbaycanlıların səsi gəldi. SSRİ-nin ən nüfuzlu ali təhsil ocaqlarında təhsil alan azərbaycanlıların sayı minləri ötdü, etimad göstərilənlərin böyük əksəriyyəti əsl kadr kimi yetişərək Vətənə döndü və el-obasının rifahı üçün çalışdı.

  • Zəngənə kəndində yeni tibb məntəqəsi istif...

    Zəngənə kəndində yeni tibb məntəqəsi istifadəyə verilmişdir

    2021-07-14

    14 iyul 2021-ci il tarixdə Zəngənə kəndində yeni tibb məntəqəsinin açılış mərasimi keçirilmişdir. Həmin gün kənd sakinləri, yerli icra və bələdiyyə nümayəndələri, İqtisadiyyat Nazirliyinin rəsmləri və ABŞ Beynəlxalq İnkişaf Agentliyinin (USAİD) nümayəndələri Zəngənə icmasında tibb məntəqəsinin bərpasının uğurla başa çatmasını qeyd etmək üçün bir araya gəlmişlər. Tibb məntəqəsinin bərpası ABŞ və Azərbaycan hökümətləri tərəfindən birgə maliyyələşdirilən Sosial-İqtisadi İnkişaf Fəaliyyəti (SEDA) təşkilatı ilə yerli icma tərəfindən birgə icra olunmuşdur. Mərasimi giriş sözü ilə SEDA Aran Regional ofisinin rəhbəri Əhməd Məmmədzadə açmışdır. Rayon İcra Hakimiyyəti başçısının birinci müavini Həsən Həsənov, İqtisadiyyat Nazirliyinin Aran Regional bölməsinin nümayəndəsi Sani Məmmədov və Sabirabad Rayon Mərkəzi Xəstəxanası Publik Hüquqi Şəxsin direktoru Ənvər Lümanov təbrik nitqi söyləmişdir. ABŞ-ın Azərbaycandakı Səfirliyinin Tibb Xidmətinin əməkdaşı Arturo Villafuerte çıxış edərək bildirmişdir ki, bu tibb məntəqəsinin təmiri yerli icmaların sosial və iqtisadi ehtiyaclarını təmin etmək, onların imkanlarını artırmaq məqsədi ilə həyata keçirilmişdir

  • 2 iyul Azərbaycanda Polis Günüdür

    2 iyul Azərbaycanda Polis Günüdür

    2021-07-02

    Bu gün Azərbaycan polisinin yaranmasının 103-cü il dönümüdür. 1918-ci il iyulun 2-də müstəqil Azərbaycanın polis orqanları yaradılıb. Həmin tarixdən bu günə qədər şərəfli yol keçən asayiş keşikçiləri böyük uğurlar əldə edib. Ulu öndər Heydər Əliyevin rəhbərliyi altında respublikamızın iqtisadi, sosial və digər sahələrdə böyük naliyyətlər qazandığı 1970-1980-ci illəri daxili işlər orqanları üçün əhəmiyyətli mərhələ kimi səciyyələndirmək olar. Həmin dövrdə daxili işlər orqanlarının təşkilati və ideoloji cəhətdən möhkəmlənməsi, sıralarının saflaşdırılması, peşəkar kadrların irəli çəkilməsi ilə bağlı mühüm qərarlar qəbul edilmişdir. Sonrakı illərdə də bu proses davam etdirilmiş və ümummilli liderimiz Heydər Əliyevin 1998-ci ildə imzaladağı fərmanla iyulun 2-i Azərbaycanda Polisi Günü elan olunmuşdur. Ulu öndər Heydər Əliyevin siyasətinin layiqli davamçısı cənab Prezident İlham Əliyev də Azərbaycan polisinin inkişafında çox mühüm qərarlar qəbul etmişdir. Dövlət başçısının təşəbbüsü ilə həyata keçirilən hərtərəfli islahatlar çərçivəsində daxili işlər orqanlarının da müasirləşməsi üçün bütün lazımi tədbirlər görülüb. Nazirliyin strukturunun və normativ hüquqi bazasının təkmilləşdirilməsi, maddi-texniki təchizatının yaxşılaşdırılması, şəxsi heyətin sosial müdafiəsinin və demokratik cəmiyyətdə polisin rolu haqqında məlumatlandırma işləri həyata keçirilib. Azərbaycan polisi dövlətimiz müstəqilliyini bərpa etdikdən sonra onun qorunub saxlanılmasında, ölkədə ictimai sabitliyin təmin edilməsində və dövlətçiliyin möhkəmləndirilməsində xüsusi rolu olmaqla yanaşı, bu gün pandemiya dövründə də polis işçiləri öz peşə borclarını layiqincə yerinə yetirərək öz hərəkəti, davranışı ilə cəmiyyətə nümunə olmaqdadır.

  • Azərbaycanın tarixinə Zəfər səhifəsini yaza...

    Azərbaycanın tarixinə Zəfər səhifəsini yazan Azərbaycan Silahlı Qüvvələrinin yaranmasının 103 ili tamam olur

    2021-06-26

    Güclü ordu ilə güclü dövlət anlayışı vəhdət təşkil edir. Çünki müstəqil dövlətin nüfuzu iqtisadi, siyasi və elmi potensialı ilə yanaşı, onun malik olduğu ordusunun qüdrəti ilə də ölçülür. Azərbaycanda milli ordu quruculuğu çox çətin, mürəkkəb və ziddiyyətli mərhələlərdən keçmişdir. Bu gün artıq müstəqil Azərbaycanın peşəkar hərbçi kadrlardan ibarət, güclü maddi-texniki bazaya, müasir texnika və silahlara malik olan nizami ordusu vardır. Azərbaycan Xalq Cümhuriyyəti Nazirlər Şurasının 1918-ci il 26 iyun tarixli qərarı ilə Əlahiddə Azərbaycan Korpusu yaradıldı. Azərbaycan xalqının Ümummilli Lideri Heydər Əliyevin imzaladığı 1998-ci il 22 may tarixli Fərman ilə iyunun 26-sı Azərbaycan Respublikasının Silahlı Qüvvələri Günü elan edilmişdir. Bu baxımdan, ölkəmizdə dövlətin və dövlətçiliyin əsas sütununu təşkil edən güclü ordunun formalaşdırılması və inkişafı Ümummilli Liderimiz Heydər Əliyevin adı ilə bağlıdır. Hələ Sovetlər dövründə azərbaycanlı gənclərin hərb elminə marağının artırılması və bunun üçün real şəraitin yaradılması Ulu Öndərin gələcəyə hesablanmış uzaqgörən siyasətinin tərkib hissəsi idi. Dahi liderin birbaşa şəxsi təşəbbüsü ilə o dövrdə hazırlanan hərbi kadrlar sonradan müstəqil Azərbaycanın qüdrətli milli ordusunun peşəkar komandan heyətini təşkil etmişdir. Ulu Öndərin ordu quruculuğu siyasətini uğurla həyata keçirən Azərbaycan Respublikasının Prezidenti, Ali Baş Komandan İlham Əliyevin diqqət və qayğısı nəticəsində milli ordumuz davamlı olaraq inkişaf edir.

  • Sabirabad rayonunda Vətən Müharibəsi şəhidl...

    Sabirabad rayonunda Vətən Müharibəsi şəhidlərinin ailə üzvlərinə və əlillərinə Azərbaycan Respublikasının orden və medallarının təqdimatı mərasimi keçirilmişdir

    2021-06-26

    Sabirabad şəhəri Heydər Əliyev Mərkəzində Azərbaycan Respublikası Silahlı Qüvvələrinin hərbi qulluqçularının təltif edilməsi haqqında Azərbaycan Respublikası Prezidentinin Sərəncamlarına əsasən təltif olunmuş şəhid və müharibə iştirakçılarına orden və medalların təqdimetmə mərasimi keçirilmişdir. Tədbirdə Sabirabad rayon icra hakimiyyətinin başçısı Siraqəddin Cabbarov, RİH başçısının müavinləri və aparatın məsul əməkdaşları, rayonun hüquq-mühafizə orqanlarının rəhbərləri, şəhid ailələri, Vətən müharibəsi qaziləri, rayon ictimaiyyətinin nümayəndələri iştirak etmişlər. Tədbir Azərbaycan Respublikasının Dövlət Himni ilə başlamışdır. Sonra ölkəmizin ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilmişdir. Giriş sözü ilə mərasimi açıq elan edən rayon icra hakimiyyətinin başçısı Siraqəddin Cabbarov qeyd etdi ki, Müzəffər Ordumuz böyük qəhrəmanlıq göstərərək 44 günlük Vətən Müharibəsində mənfur düşməni ağır məğlubiyyətə uğratdı və ölkəmizin ərazi bütövlüyünü bərpa etdi. Milli dövlətçilik tariximizdə və xalqımızın yaddaşında əbədi yaşayacaq şanlı Zəfər xalq – iqtidar birliyi, güclü ordu və ona rəhbərlik edən Müzəffər Ali Baş Komandan, Azərbaycan Respublikasının Prezidenti cənab İlham Əliyevin qətiyyətli rəhbərliyi və gərgin siyasi-diplomatik fəaliyyəti, eyni zamanda dünya azərbaycanlılarının həmrəyliyi nəticəsində qazanıldı. Ölkə rəhbəri İlham Əliyevin qətiyyətli mövqeyi, sarsılmaz iradəsi, həyata keçirdiyi güclü dövlət, güclü ordu strategiyası və Ali Baş Komandanın rəhbərliyi ilə igid Vətən oğullarının göstərdikləri qəhrəmanlıq və şücaət sayəsində 30 illik həsrətə son qoyuldu. Şəhidlərimizin döyüş yoluna nəzər salan Siraqəddin Cabbarov onların əsl vətənpərvər, qorxmaz, cəsur və yüksək nizam-intizamlı hərbçi olduqlarını bildirmişdir. Qeyd etmişdir ki, torpaqlarımızın ərazi bütövlüyü uğrunda canlarından keçən şəhidlərimiz heç zaman unudulmayacaq, onların əziz xatirəsi qəlbimizdə daim yaşayacaqdır. Rayon rəhbəri Vətənə layiqli oğullar yetirdiklərinə görə şəhid ailələrinə, qazilərimizə öz minnətdarlığını bildirmişdir.

  • 23 iyun Azərbaycanda dövlət qulluqçularının ...

    23 iyun Azərbaycanda dövlət qulluqçularının peşə bayramıdır

    2021-06-23

    23 iyun Azərbaycanda dövlət qulluqçularının peşə bayramı kimi qeyd olunur. Dövlət qulluqçularının peşə bayramı Azərbaycan Prezidenti İlham Əliyevin 25 may 2006-cı il tarixli Sərəncamı ilə təsis edilib. Dövlət xidmətinin demokratik, hüquqi və dünyəvi dövlətin yaradılmasındakı rolu və BMT Baş Məclisi tərəfindən iyunun 23-nün Birləşmiş Millətlər Təşkilatının Dövlət Qulluğu Günü elan edilməsi nəzərə alınaraq bu tarixin Azərbaycanda dövlət qulluqçularının peşə bayramı günü elan edilməsi qərara alınıb. Bu gün sürətlə inkişaf edən Azərbaycanın beynəlxalq aləmdə öz nüfuzunu möhkəmləndirməsi Ümummilli lider Heydər Əliyevin dövlət idarəetmə sistemində həyata keçirdiyi islahatlardan başlayıb. Respublikanın Prezidenti cənab İlham Əliyevin bu islahatları qətiyyətlə davam etdirməsi sayəsində ölkəmizin qüdrəti gündən-günə artmaqdadır. Bu gün tam əminliklə demək olar ki, respublikamızda müasir tələblərə cavab verən dövlət idarəetmə sistemi qurulub, hakimiyyətin bütün qollarının funksiyaları dəqiq müəyyənləşdirilib, vətəndaşların hüquq və azadlıqlarının qorunması və həyata keçirilməsi üçün zəruri təsisatlar yaradılıb. Müstəqillik illərində Azərbaycanda hüquqi dövlətin qurulması, idarəetmə sisteminin təkmilləşdirilməsi, ölkənin daha yaxşı idarə olunması üçün zəruri tədbirlər görülüb, bir çox strukturlar ləğv edilib və yeni idarəetmə orqanlarının yaradılması prosesi davam etdirilir. Bu orqanların dövlət quruculuğunda və ölkənin idarə olunmasında rolunu artırmaq və işini səmərəli təşkil etmək üçün vaxtaşırı onların əsasnamə və nizamnamələrində, eləcə də strukturlarında müvafiq dəyişikliklər edilir, vəzifələri və funksiyaları dəqiqləşdirilir.

  • Sabirabadda "Təmiz hövzələr" aksiyas...

    Sabirabadda "Təmiz hövzələr" aksiyası çərçivəsində sahilboyu ərazilər tullantılardan təmizlənib

    2021-06-19

    Sabirabad Rayon İcra Hakimiyyətinin və Ekologiya və Təbii Sərvətlər Nazirliyinin təşkilatçılığı "Təmiz hövzələr" aksiyası çərçivəsində Kür çayı su hövzəsinin sahilboyu ətraf əraziləri tullantılardan təmizlənib. Aksiyada rayon İcra Hakimiyyətinin, Ekologiya və Təbii Sərvətlər Nazirliyinin, Yeni Azərbaycan Partiyasının, rayon Gənclər və idman idrəsinin və digər təşkilatların könüllüləri iştirak edib. "Təmiz hövzələr" aksiyasının keçirilməsində məqsəd daxili su hövzələrinin sahilboyu ətraf ərazilərində təmizliyə riayət olunmasını təbliğ etmək, sahilyanı ərazilərin plastik və məişət tullantıları ilə çirkləndirilməsinin qarşısını almaq və bu işlərə daha geniş kütləni cəlb etməklə ölkənin sahilboyu ərazilərinin təmizliyinə nail olmaqdır.

  • Sabirabad rayonunda “Ətraf mühitin mühafizəs...

    Sabirabad rayonunda “Ətraf mühitin mühafizəsi sahəsində bələdiyyələrin rolu” mövzusunda görüş keçirilib

    2021-06-17

    Sabirabad Rayon İcra Hakimiyyətinin dəstəyi və Ekologiya və Təbii Sərvətlər Nazirliyinin təşkilatçılığı ilə “Ətraf mühitin mühafizəsi sahəsində bələdiyyələrin rolu” mövzusunda xüsusi karantin rejiminin qaydalarına əməl olunmaqla görüş keçirilib. Görüşdə Sabirabad rayon icra hakimiyyətinin başçısı Siraqəddin Cabbarov, RİHB-nin məsul şəxsləri, 3 saylı Regional Ekologiya Təbii Sərvətlər İdarəsinin nümayəndələri, şəhər və kənd inzibati ərazi dairəsi üzrə nümayəndələri və yerli bələdiyyə sədrləri iştirak edib. Keçirilən görüşdə tullantıların düzgün və qanunvericiliyə uyğun idarə olunması, bələdiyyələrin bu sahədə qarşılaşdıqları çətinliklərin aradan qaldırılması, işin daha səmərəli təşkili yollarının müəyyənləşdirilməsi ilə bağlı fikir mübadiləsi aparılıb, qarşılıqlı və səmərəli əməkdaşlıq məsələləri müzakirə olunub. Müzakirələr zamanı rayon ərazisində formalaşan məişət tullantılarının qanunamüvafiq idarə olunması, bələdiyyələr tərəfindən bu sahədə təbliğat tədbirlərinin aparılmasının vacibliyi, tullantıların ətraf mühitə atılmasına, axıdılmasına və yerləşdirilməsinə görə ödəmələrin tətbiqi məsələləri bələdiyyə nümayəndələrinin nəzərinə çatdırılıb.

  • Sabirabad rayonunda 15 iyun - Milli Qurtuluş Gün...

    Sabirabad rayonunda 15 iyun - Milli Qurtuluş Günü qeyd olunur

    2021-06-15

    15 iyun – Milli Qurtuluş Günü münasibəti ilə rayon icra hakimiyyətinin başçısı Siraqəddin Cabbarov, hüquq-mühafizə orqanlarının, idarə, müəssisə və təşkilatların rəhbərləri Ümummilli liderimiz Heydər Əliyevin abidəsini ziyarət etmiş, önünə gül-çiçək dəstələri düzmüşlər. 1993-cü il iyunun 15-i Azərbaycan tarixinə Milli Qurtuluş Günü kimi daxil olub və dövlətçiliyimiz yox olmaq təhlükəsindən xilas edilib. Azərbaycan xalqının Ümummilli lideri Heydər Əliyev öz xilaskarlıq missiyası ilə ölkəmizin müstəqilliyini qorumuş, respublikada tüğyan edən ictimai-siyasi böhranı aradan qaldırmış və inkişafın təməlini qoymuşdur. Bu gün milli qurtuluş ideologiyasının təntənəsi müstəqil respublikamızın davamlı inkişafı möhtərəm Prezidentimiz cənab İlham Əliyev tərəfindən müdrikliklə, mütərəqqi addımlarla davam etdirilir. Ali Baş Komandanın rəhbərliyi altında bu gün torpaqlarının azadlığına qovuşan Azərbaycan özünü dünyada etibarlı tərəfdaş, sülh, sabitlik və əməkdaşlıq məkanı kimi təsdiq edib. Respublikamızın her yerində olduğu kimi Sabirabad rayonunda da 15 iyun – Milli Qurtuluş Günü münasibətilə idarə, müəssisə və təşkilatlarda müxtəlif tədbirlər keçirilmişdir.

  • 15 iyun Milli Qurtuluş Gününü Azərbaycan x...

    15 iyun Milli Qurtuluş Gününü Azərbaycan xalqı qürur və fərəh hissi ilə qeyd edir

    2021-06-15

    15 iyun – Azərbaycan xalqının Milli Qurtuluş Günü hər bir azərbaycanlıya iftixar hissləri bəxş edən bir gündür. 1993-cü ilin 15 İyununda dünya şöhrətli siyasi şəxsiyyət və görkəmli dövlət xadimi, Ümummilli liderimiz Heydər Əliyevin xalqın çağırışı ilə respublikamıza rəhbərliyə qayıdışı Azərbaycanlın müqəddəratını tənəzzüldən tərəqqiyə doğru dəyişdi. Ulu Öndərimiz özünün siyasi müdrikliyi, zəngin dövlətçilik təcrübəsi, qətiyyəti və yorulmaz fəaliyyəti ilə o zaman respublikadakı xaos və anarxiyanın, vətəndaş qarşıdurması təhlükəsinin, getdikcə dərinləşən sosial-iqtisadi böhranın, kəskin tənəzzülün qarşısının alınmasını, dövlət müstəqilliyimizin bütün təhlükələrdən xilas olmasını və ildən-ilə güclənməsini, sarsılmazlığını təmin etdi. Xalqımız Ulu öndər Heydər Əliyevin ətrafında sıx birləşərək, Milli Qurtuluşun açdığı yolla öz böyük gələcəyinə - dövlətin, ölkənin böyük perspektivlərinə doğru səfərbər oldu. Müstəqillik dövründə Azərbaycanın əldə etdiyi böyük tarixi uğurlar, ölkəmizi firavan gələcəyə doğru aparan yol məhz Milli Qurtuluş Günündən başlanır. Ona görə də Milli Qurtuluş Günü müasir Azərbaycan tarixinə qızıl hərflərlə yazılıb.

  • Sabirabad rayonunun məktəblərində “Son zəng...

    Sabirabad rayonunun məktəblərində “Son zəng” tədbirləri keçirilmişdir

    2021-06-14

    Sabirabad rayonunun ümumtəhsil məktəblərində Nazirlər Kabineti yanında Operativ Qərargahın razılığını nəzərə alaraq “Son zəng” tədbirləri keçirilmişdir. Tədbirlər ümumtəhsil müəssisələrinin həyətyanı ərazisində sosial məsafə gözlənilməklə açıq hava şəraitində bir saatdan artıq olmamaqla yalnız ümumtəhsil müəssisəsinin 11-ci sinif şagirdlərinin, məktəb rəhbərliyinin və məhdud sayda müəllimin iştirakı ilə keçirilmişdir. 2020-2021-ci tədris ilində Sabirabad rayonunun ümumtəhsil məktəblərinin IX siniflərini 2264 nəfər, XI siniflərini isə 1275 nəfər şagird bitirir.

  • Sabirabad rayonunda yanğın təhlükəsizliyinin ...

    Sabirabad rayonunda yanğın təhlükəsizliyinin etibarlı təmin edilməsinə dair videokonfrans keçirilmişdir

    2021-06-03

    03 iyun 2021-ci il tarixdə Sabirabad Rayon İcra Hakimiyyətinin təşkilatçılığı ilə dənli və texniki bitkilərin yığılması, daşınması və emalı dövründə, eləcə də meşə zolaqlarında yanğın təhlükəsizliyinin etibarlı təmin edilməsinə dair videokonfrans keçirilmişdir. Videokonfransda rayon İcra Hakimiyyətinin, Muğan Regional Dövlət Yanğın Nəzarəti İdarəsinin, Sabirabad Meşə mühafizəsi və bərpası müəssisəsinin məsul işçiləri, ərazi nümayəndələri və yerli bələdiyyələrin sədrləri iştirak etmişlər. Videokonfransda Muğan Regional Dövlət Yanğın Nəzarəti İdarəsinin rəisi, daxili xidmət polkovniki Orxan Məmmədyarov çıxış edərək qeyd etmişdir ki, hazırda kənd təsərrüfatı işlərinin qızğın dövrüdür. Bu dövrdə başlıca vəzifə rayonların və digər yaşayış məntəqələrinin, təsərrüfat sahələrinin, obyektlərin, bina və qurğuların təhlükəsiz fəaliyyətini, yanğınların törənməsi və yayılması imkanlarının aradan qaldırılmasını, onların aşkar və ləğv olunmasını, insanların həyatının və sağlamlığının mühafizəsini təmin etmək, yanğınların insanlara və ətraf mühitə təsirini aradan qaldırmaq, maddi və mənəvi sərvətləri yanğında məhv olmaqdan qorumaqdır. Eyni zamanda Muğan Regional Dövlət Yanğın Nəzarəti İdarəsinin əməkdaşları tərəfindən dənli və texniki bitkilərin yığılması, daşınması, saxlanılması və emalı dövründə yanğın təhlükəsizliyinin təmin olunması məqsədi ilə Tədbirlər Planı hazırlanmış rayon icra hakimiyyətinin başçısı ilə razılaşdırılmışdır.

  • 1 İyun - Uşaqların Beynəlxalq Müdafiəsi gün...

    1 İyun - Uşaqların Beynəlxalq Müdafiəsi günüdür

    2021-06-01

    1950-ci ildə BMT Baş Assambleyasının Qərarı ilə hər il 1 iyun “Uşaqların Beynəlxalq Müdafiəsi günü” kimi qeyd olunmağa başlamış və bu gün də ümumxalq bayramı kimi qeyd olunur. Azərbaycanda uşaq siyasətinin əsası ümummilli lider Heydər Əliyev tərəfindən qoyulub. Ulu Öndərin yaratdığı və nəsillər üçün miras qoyduğu ənənələr bu gün də uğurla davam etdirilir. Azərbaycan Respublikasının Prezidenti cənab İlham Əliyevin uşaq hüquqlarının müdafiəsi sahəsində atdığı addımlar xalqımızın övladlarının taleyində əhəmiyyətli rol oynayır. Son illər ərzində sürətli iqtisadi inkişaf yolu ilə irəliləyən Azərbaycanda yeni təhsil müəssisələri, uşaq bağçaları, idman-sağlamlıq kompleksləri istifadəyə verilib. Bütün bunlar uşaqlara dövlət qayğısının gücləndirilməsinə, uşaq problemlərinə vətəndaş cəmiyyəti qurumlarının diqqətinin artırılmasına və ölkənin uşaqlarla bağlı demoqrafik perspektivlərinin müəyyənləşdirilməsinə xidmət edir. Qeyd edirik ki, dövlət başçısının Sərəncami ilə 2009-cu il Azərbaycanda "Uşaq ili" elan olunmuşdur.

  • 28 May - Respublika Günü Azərbaycan tarixinin ...

    28 May - Respublika Günü Azərbaycan tarixinin şanlı səhifəsidir

    2021-05-28

    1918-ci il mayın 28-də Azərbaycan Xalq Cümhuriyyətinin yaradılması ölkəmizin həyatında böyük tarixi hadisə olmuşdur. Belə ki, Azərbaycan Xalq Cümhuriyyəti 23 aylıq fəaliyyəti dövründə xalqımızın milli mənlik şüurunu özünə qaytarıb və milli dövlətçilik ənənələrimizin zənginləşməsində mühüm rol oynayıb. Azərbaycan Xalq Cümhuriyyəti Şərqdə ilk parlament tipli respublika idi. Azərbaycan Xalq Cümhuriyyəti öz üzərinə düşən vəzifələri layiqincə yerinə yetirib. Azərbaycanın dövlət sərhədləri müəyyənləşdirilib, dövlət bayrağı, himni və gerbi qəbul edilib, ana dilimiz dövlət dili elan edilib, ordu quruculuğu sahəsində ciddi tədbirlər reallaşdırılıb, elm və təhsilin, mədəniyyətin inkişafına xüsusi diqqət yetirilib. Lakin çox təəssüflər olsun ki, Azərbaycan Xalq Cümhuriyyəti xarici hərbi müdaxilə nəticəsində süquta uğradı. Bugünkü müstəqil Azərbaycan Respublikası Azərbaycan Xalq Cümhuriyyətinin varisi və Ümummilli liderimiz Heydər Əliyevin şah əsəridir. Müasir dövrümüzdə Azərbaycan Xalq Cümhuriyyətinin milli dövlətçiliyimiz tarixindəki rolu həmişə xatırlanır. Azərbaycan Xalq Cümhuriyyətinin fəaliyyətini yüksək qiymətləndirən Ümummilli liderimiz Heydər Əliyev müasir Azərbaycan dövlətinin Azərbaycan Xalq Cümhuriyyətinin varisi olduğunu dəfələrlə bəyan edib.

  • Fövqəladə Hallar Nazirliyi havaların isinməsi...

    Fövqəladə Hallar Nazirliyi havaların isinməsi ilə bağlı əhaliyə müraciət etdi

    2021-05-18

    Fövqəladə Hallar Nazirliyi bir neçə sadə təhlükəsizlik qaydasını vətəndaşların diqqətinə çatdırıb: - taxıl zəmilərində, xırmanlarda, ot tayaları yığılan yerlərdə və onların yaxınlığında açıq oddan istifadə etməyin və siqaret çəkməyin; - sürtgü yağı, benzin, ağ neft, dizel yanacağı və digər yanar mayelərlə islanmış materialları, eləcə də şüşə qab və şüşə qırıntılarını ətrafa atmayın; - siqaret kötüyü və kibriti tam söndürülməmiş atmayın; - fərdi yaşayış evləri, təsərrüfat və istehsalat müəssisələrinin həyətlərini quru ot və tullantılardan vaxtaşırı təmizləyin; - təbiət qoynunda tonqal qalayarkən bunun üçün xüsusi hazırlanmış yer, yaxud köhnə tonqalın yerini, quru ot, kol-kos, ağac və ağac qırıntılarının olmadığı açıq sahəni seçin, ətrafını 0,5-1 metr radiusda otlardan təmizləyin. Tonqalı nəzarətsiz qoymayın; - tonqalın tam söndüyünə əmin olmadan ərazini tərk etməyin – tonqal əvvəlcə su ilə söndürülməli, sonra isə üstü torpaqla örtülməlidir; - küləkli havada tonqal qalamayın; - yadda saxlayın ki, meşə sahələrində tonqalların qalanması qadağandır; - yanğın baş verərsə, mümkündürsə, onu əlinizin altında olan vasitələrlə (su, torpaq, qalın parça materialı və s.) söndürməyə çalışın və “112” qaynar xəttinə məlumat verin. Təhlükə zamanı “112”yə zəng edin!

  • Sabirabad rayonunda Ulu öndər Heydər Əliyevin ...

    Sabirabad rayonunda Ulu öndər Heydər Əliyevin anadan olmasının 98-ci ildönümü ilə əlaqədar ağacəkmə aksiyası keçirilmişdir

    2021-05-10

    Bütün mənalı ömrünü hədsiz dərəcədə sevdiyi Vətənin tərəqqisinə həsr etməklə Ümummilli liderimiz Heydər Əliyev hələ sovet hakimiyyəti dövründən başlayaraq uzaqgörənliklə dövlət müstəqilliyimiz üçün zəmin hazırlayaraq, bu gün çoxlarının həsəd apardığı Azərbaycanın böyük iqtisadi, elmi və mədəni potensialını yaratmışdır. Müstəqillik yolunda ilk kövrək addımlarını atarkən xarici və daxili təzyiqlərə məruz qalan milli dövlətçiliyimiz məhz Heydər Əliyev müdrikliyinin, fədakarlığının, qətiyyətinin və yenilməz iradəsinin sayəsində xilas olaraq yeni inkişaf dövrünə qədəm qoymuş, müstəqilliyimiz dönməz xarakter almışdır. Sabirabad rayonunun dirçəlişinin də Ulu öndərin adı ilə bağlıdır. Ümummilli liderimiz Heydər Əliyev 1969-1982-ci illərdə Sabirabada 14 dəfə səfər edib, müstəqillik dövründə isə 1998-ci ilin oktyabrın 4-də rayona səfəri olmuşdur. Onun sayəsində bu rayonda 5 istehsal müəssisəsi açılıb, 31 orta məktəb, 5 xəstəxana, 12 mədəniyyət obyekti tikilib, Kür çayı üzərindən nəhəng körpü salınıb, İttifaqda analoqu olmayan Qrup Su kəməri kompleksi qurulub, əhaliyə təbii qaz verilib, onlarla çoxmərtəbəlı yaşayış və inzibati binalar inşa edilib.

  • Faşist Almaniyası üzərində qələbənin 76 il...

    Faşist Almaniyası üzərində qələbənin 76 illik yubileyi qeyd olunur

    2021-05-09

    Bu gün Azərbaycan xalqı da faşizm üzərində tarixi qələbənin 76 illik yubileyini qeyd edir. 600 mindən çox oğul və qızını cəbhəyə yola salan xalqımızın Qələbənin əldə olunmasında çox böyük rolu olmuşdur. Bu dəhşətli və qanlı müharibədə göstərdikləri igidliyə görə Azərbaycanın 120 əsgər və zabiti Sovet İttifaqı Qəhrəmanı adına layiq görülmüş, 170 mindən çoxu isə müxtəlif orden və medallarla təltif edilmişdir. Müharibənin ilk günlərindən başlayaraq azərbaycanlılardan formalaşdırılmış 77-ci, 223-cü, 336-cı, 402-ci və 416-cı milli atıcı diviziyalar döyüşlərdə misilsiz igidlik və şücaət göstərərək adlarını tarixin səhifələrinə qızıl hərflərlə yazmışlar. Partizan hərəkatında iştirak edən soydaşlarımız da saysız-hesabsız qəhrəmanlıqlar göstərmişlər. Faşizmə qarşı mübarizədə azərbaycanlılar döyüş meydanları ilə yanaşı, arxa cəbhədə də qəhrəmanlıq göstərmişlər. Şanlı Qələbənin əldə olunmasında Bakı neftinin rolu böyük olmuşdur. O dövrdə cəbhəyə göndərilən neft məhsullarının 80%-i məhz Bakıdan yola salınırdı. Azərbaycan xalqının Ümummilli Lideri Heydər Əliyev hakimiyyətdə olduğu bütün dövrlərdə İkinci Dünya Müharibəsi veteranlarının problemlərinə böyük diqqət və qayğı ilə yanaşmışdır. Bu gün də Azərbaycan Respublikasının Prezidenti cənab İlham Əliyev 1941-1945- ci illərdə faşizmə qarşı vuruşmuş müharibə veteranlarına dövlət qayğısını sosial sahədəki fəaliyyətinin əsas istiqamətlərindən birinə çevirmiş, hər il Qələbə günü ərəfəsində veteranlarımızla görüş keçirən Prezidentimiz onların sosial problemlərinin həllini diqqət mərkəzində saxlayır.

  • Sabirabad rayon icra hakimiyyətinin başçısı S...

    Sabirabad rayon icra hakimiyyətinin başçısı Siraqəddin Cabbarov Quruzma kəndində şəhid ailələri, Vətən Müharibəsi qaziləri və bir qrup kənd sakinləri ilə görüşüb

    2021-05-04

    04 may 2021-ci il tarixdə Sabirabad rayon icra hakimiyyətinin başçısı Siraqəddin Cabbarov, hüquq-mühafizə orqanlarının rəhbərləri və RİHB aparatının məsul işçilərinin iştirakı ilə Quruzma kənd inzibati ərazi dairəsini əhatə edən 5 kəndin bir qrup sakinləri, şəhid ailələri və Vətən Müharibəsi qaziləri ilə görüşüb, onların problemləri və qayğıları ilə maraqlanıb. Əvvəlcə şəhid Həsənov Həsən Səfər oğlunun atası Səfər Həsənov ilə görüşən RİH başçısı bildirib ki, hər birimiz şəhidlərimizə və qazilərimizə borcluyuq. Ali Baş Komandan, Müzəffər Prezident İlham Əliyevin düzgün qərarları, iradəsi və şəhidlərimizin, qazilərimizin və bütün hərbçilərimizin sayəsində torpaqlarımız işğaldan azad olundu. Xalqımızın bir yumruq kimi birləşərək əsl həmrəylik, mübarizlik göstərdiyini, cənab Prezidentin ətrafında sıx birləşdiyini vurğulayan RİH başçısı qeyd edib ki, ordumuzun qüdrəti, döyüş ruhu, əzmi, Azərbaycan əsgərinin gücü ilə ərazilərimiz erməni işğalçılarından birdəfəlik təmizləndi. Bu böyük qələbənin əldə olunmasında Azərbaycan oğulları canlarından keçdilər. Şəhidlərimizə Allahdan rəhmət, qazilərimizə isə şəfa diləyən S.Cabbarov ölkəmizdə dövlət səviyyəsində şəhid ailələrinə və müharibə iştirakçılarına göstərilən diqqət və qayğıdan danışıb. Şəhid ailələri igidlərimizin Azərbaycanın azadlığı uğrunda döyüşdüyünü və öz müqəddəs borclarını şərəflə yerinə yetirdiklərini qeyd ediblər. Onlar ölkəmizdə şəhid ailələrinə dövlət səviyyəsində göstərilən diqqət və qayğıya görə cənab Prezident İlham Əliyevə öz təşəkkürlərini bildiriblər.

  • Sabirabad rayonunda 15 may «Beynəlxalq Ailə Gü...

    Sabirabad rayonunda 15 may «Beynəlxalq Ailə Günü» münasibəti ilə tədbir keçirilmişdir

    2021-05-04

    04 may 2021-ci il tarixdə Yeni Azərbaycan Partiyasının Sabirabad rayon təşkilatının inzibati binasında Beynəlxalq Ailə günü münasibəti ilə rayon ərazisində koronovirus pandemiyası ilə bağlı ölkədə elan edilən karantin rejminin tələblərini nəzərə almaqla tədbir keçirilmişdir. Tədbirdə Rayon İcra Hakimiyyətinin məsul işçiləri, Yeni Azərbaycan Partiyası Sabirabad rayon təşkilatının sədri Məleykə Ağayeva, rayon Polis Şöbəsinin İctimai Təhlükəsizlik bölməsinin Yetkinlik yaşına çatmayanlarla proflaktik işin təşkili qrupunun baş inspektoru İlqar Əliyev, Gənclər və idman idarəsinin rəisi Nadir Quliyev, yetkinlik yaşına çatmayanlar, gənclər, nüfuzlü şəxslər və QHT-lərin nümayəndələri iştirak etmişdir. Bayram tədbirində Sabirabad rayon icra hakimiyyəti başçısının birinci müavini Həsən Həsənov çıxış edərək bildirdi ki, 15 may dünyada Beynəlxalq Ailə Günü kimi qeyd olunur. Bu tədbir planetimizdə yaşayan bütün insanların diqqətini bir daha ailə problemlərinin həllinə yönəltməyə xidmət edir. Müstəqil Azərbaycanda dövlət ailə siyasətinin əsas prinsiplərinin formalaşması Ümummilli lider Heydər Əliyevin adı ilə bağlıdır. Ulu öndər milli mənəvi dəyərlərin qorunmasının vacibliyini hər zaman vurğulamışdır. Azərbaycan xalqının Ümummilli Lideri Heydər Əliyevin ailə siyasəti Azərbaycanda bu gün də uğurla həyata keçirilir. Azərbaycan Prezidenti İlham Əliyev və Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva milli mənəvi dəyərlərin qorunmasına böyük diqqət və qayğı göstərirlər.

  • Sabirabad rayonunda 11-ci sinif şagirdlərinin bu...

    Sabirabad rayonunda 11-ci sinif şagirdlərinin buraxılış imtahanı keçirilmişdir

    2021-04-29

    29 aprel tarixində Dövlət İmtahan Mərkəzi tərəfindən Sabirabad rayonu üzrə 5 imtahan mərkəzində 11-ci sinif şagirdlərinin buraxılış imtahanı keçirilmişdir. Buraxılış imtahanında 1237 məzun iştirak etmişdir. Şagirdlər arasında sosial məsafənin qorunmasına, tibbi maskadan və antiseptik vasitələrdən istifadə qaydalarına tam şəkildə riayət olunmuşdur. İmtahan zamanı hər hansı qayda pozuntusu qeydə alınmamışdır.

  • Sabirabad Rayon İcra Hakimiyyətində şəhid ail...

    Sabirabad Rayon İcra Hakimiyyətində şəhid ailələri ilə növbəti dəfə görüş keçirilmişdir

    2021-04-29

    Aprelin 22-si və 29-da Sabirabad Rayon İcra Hakimiyyətində Vətən müharibəsi şəhidlərinin ailə üzvləri ilə növbəti dəfə görüş keçirilmişdir. Görüşdə Sabirabad rayon icra hakimiyyətinin başçısı Siraqəddin Cabbarov, hüquq-mühafizə orqanlarının rəhbərləri və şəhidlərin ailə üzvləri iştirak etmişlər. Görüş zamanı çıxış edən Sabirabad rayon icra hakimiyyətinin başçısı Siraqəddin Cabbarov qeyd etmişdir ki, son illərdə Azərbaycan Respublikasının Prezidenti cənab İlham Əliyevin tapşırıq və göstərişlərinə uyğun olaraq ordu sıralarında xidmət edən hərbi qulluqçuların və şəhid ailələrinin etibarlı sosial müdafiəsinin təmin edilməsi, mənzil-məişət problemlərinin həll olunması, onlara verilən imtiyaz və güzəştlərin miqyasının genişləndirilməsi daim diqqət mərkəzində saxlanılır. Qarabağ müharibəsi əlillərinin, şəhid ailələrinin və veteranlarının qanuni mənafelərini və hüquqlarını müdafiə etmək, sosial-iqtisadi problemlərinin daha səmərəli həll olunmasına köməklik göstərmək məqsədilə hər bir şəhid ailəsinə dəstək olmaq üçün əlimizdən gələni etməyə hər zaman hazırıq. Şəhid ailələrinin üzvləri çıxış edərək onlara daim qayğı ilə yanaşan ölkə başçısı cənab İlham Əliyevə və Birinci vitse-prezident xanım Mehriban Əliyevaya öz minnətdarlıqlarını bildirmiş, bir sıra məsələlərin həlli ilə bağlı arzu və təkliflərini səsləndirmişlər. Səslənən müraciətlər arasında bir neçə şəhid ailəsi üzvlərinin işlə təminatı, müalicəsi, mənzil şəraitinin yaxşılaşdırılması və bir sıra digər məsələlər yer alıb. Əksər müraciətlər yerindəcə öz həllini tapıb, digər məsələlərlə bağlı aidiyyatı üzrə tapşırıqlar verilmişdir.

  • Azərbaycan tibb elmində silinməz iz qoymuş aka...

    Azərbaycan tibb elmində silinməz iz qoymuş akademik Zərifə xanım Əliyevanın bu gün doğum günüdür

    2021-04-28

    Zərifə xanım 1923-cü il aprelin 28-də Naxçıvan Muxtar Respublikasının Şərur rayonunun Şahtaxtı kəndində, dövrünün görkəmli dövlət xadimi, mahir səhiyyə təşkilatçısı Əziz Əliyevin ailəsində dünyaya göz açmışdı. Atası Əziz Əliyev rektor, nazir, Mərkəzi Komitənin katibi, Baş nazirin müavini kimi yüksək vəzifələrdə çalışmış, dərin intellekti və təşkilatçılıq bacarığı ilə böyük nüfuz qazanmışdı. Onun enişli-yoxuşlu həyatının bütün mərhələləri, əslində, övladları üçün həyat məktəbi idi. Belə bir ailədə böyüyən Zərifə xanım, təbii ki, zəhmətsevərliyi, səmimiliyi, insanlara sevgisi ilə başqalarından seçilirdi. Bu nəslə və ailəyə məxsus ziyalılıq, doğma ocağa, xalqa və vətənə bağlılıq kimi nəcib xüsusiyyətlər onun şəxsiyyətində öz təcəssümünü tapmışdı. Peşə seçmək vaxtı yetişəndə tərəddüd etmədən həkimliyi seçdi. 1942-ci ildə Azərbaycan Dövlət Tibb İnstitutunun müalicə-profilaktika fakültəsinə daxil oldu və institutu əla qiymətlərlə bitirdi. Oftalmologiya peşəsinə yiyələnmək arzusu ilə Moskva şəhərinə üz tutdu, Ümumittifaq Mərkəzi Həkimləri Təkmilləşdirmə İnstitutunda ixtisasartırma kursu keçdi. Zərifə xanım, ilk növbədə, həkim idi, bu peşəni çox uca tuturdu. Həkimi günəşə bənzədərək deyirdi: “Həkim insanlara günəş qədər lazımdır”.

  • Sabirabad rayonunun imtahan mərkəzlərində prof...

    Sabirabad rayonunun imtahan mərkəzlərində proflaktik dezinfeksiya işləri görülmüşdür

    2021-04-28

    29 aprel 2021-ci il tarixdə Dövlət İmtahan Mərkəzi tərəfindən XI sinif şagirdləri üçün keçiriləcək buraxılış imtahanlarına hazırlıqla əlaqədar 28 aprel 2021-ci il tarixdə sanitar-epidemioloji vəziyyəti nəzarətdə saxlamaq, hava-damcı infeksiyası ilə yoluxmanın qarşısını almaq, xəstəliktörədən mikroorqanizmləri məhv etmək məqsədi ilə Sabirabad rayonunun 5 imtahan mərkəzində profilaktik dezinfeksiya tədbirləri aparılmışdır.

  • Dənli və texniki bitkilərin yığımı dövrün...

    Dənli və texniki bitkilərin yığımı dövründə və meşələrdə yanğın təhlükəsizliyi qaydaları

    2021-04-20

    Kənd təsərrüfatında məsul bir dövrün - dənli və texniki bitkilərin yığımı mövsümünün astanasındayıq. Taxıl yığımı və heyvandarlığın inkişafı məqsədilə mal-qara üçün silos, senaj, quru ot tədarükünün artırılması respublika iqtisadiyyatında önəmli rol oynadığına görə bu sahələrin, bütövlükdə kənd təsərrüfatının inkişafı istiqaməti daim diqqət mərkəzindədir. Əlbəttə, bol məhsul yetişdirməklə yanaşı, onun tədarükü, emalı da mühüm şərtdir. Ona görə də, dənli və texniki bitkilərin tədarükü ilə bağlı qarşıya qoyulan vəzifələrin həllində bu əhəmiyyətli məhsulun, xüsusən strateji əhəmiyyətli taxılın yanğın təhlükəsizliyi də daima diqqət mərkəzində olmalı, bütün zəruri tədbirlər həyata keçirilməlidir. Birinci növbədə qeyd edilməlidir ki, dənli və texniki bitkilərin əkin sahələri ilə yanaşı meşələrin yanğından qorunması tək yanğın təhlükəsizliyi orqanları əməkdaşlarının deyil, həm də aqrar sahədə, o cümlədən fermer təsərrüfatında çalışan bütün şəxslərin ümdə vəzifəsidir və bu sahədə onların qarşısında ciddi tapşırıqlar qoyulur. Qeyd edək ki, hər il ot və taxıl yığımı mövsümünə hazırlıq dövründə Dövlət Yanğın Nəzarəti Xidməti bütün regionlarda yerli icra hakimiyyətlərinin, bələdiyyə sədrlərinin, fermerlərin, aqroservis rəhbərlərinin, meşə mühafizəsi və bərpası idarələri işçilərinin iştirakı ilə seminarlar, yanğına qarşı təbliğat xarakterli tədbirlər həyata keçirir. Amma hər il bu tədbirlərin keçirilməsinə baxmayaraq, təəssüf ki, taxıl sahələrində, meşələrdə yanğın hadisələri baş verməkdədir. Araşdırma zamanı yanğınların müxtəlif səbəblərdən, siqaret çəkmə zamanı ehtiyatsızlıqdan, nəqliyyat vasitələrinin sistemlərinin, mexanizmlərinin və hissələrinin nasazlığından, yüksək gərginlikli hava elektrik xətlərində baş verən qəzadan, ocaqdan düşən qığılcımdan, kombaynlarda və digər texikaların atqı borularında qığılcımsöndürənin olmamasından, biçilmiş sahələrin yandırılması səbəbləri ilə baş verdiyi məlum olmuşdur. Biçilmiş taxıl sahələrinin yandırılması qadağandır və buna görə taxıl sahəsinin sahibi məsuliyyət daşıyır.

  • "Dəmir Yumruq" filmi

    "Dəmir Yumruq" filmi

    2021-04-20

    https://www.youtube.com/watch?v=5D2eJG9Gz6w

əvvəlki [2] növbəti