Home Contact Phone
background

Xəbərlər

  • Sabirabadda “Igidliyi ilə ölümsüzlüyə qovu...

    Sabirabadda “Igidliyi ilə ölümsüzlüyə qovuşan qəhrəmanlar” adlı tədbir keçirilmişdir

    2019-03-16

    Sabirabad şəhərində Azərbaycan Respublikasının Gənclər Fondunun maliyyə dəstəyi ilə "Bakı Gənclər Klubu" ictimai birliyi tərəfindən "İgidliyi ilə ölümsüzlüyə qovuşan qəhrəmanlar” layihəsi üzrə tədbir keçirilmişdir. Layihənin məqsədi - gənclərə dövlətimizin ərazi bütövlüyü uğrunda Qarabağ müharibəsi zamanı döyüş əməliyyatlarında şücayət göstərmiş qəhrəmanları tanıtmaq, onlarda qəhrəman obrazını yaradaraq hərbi vətənpərvərlik ruhunu yüksəltməkdir. Tədbirdə Bakı Dövlət Universiteti Tarix fakültəsinin dosenti Atamoğlan Məmmədli gənclərə Qarabağ müharibəsinin səbəbləri, gedişi, müharibə zamanı aparılan döyüşlər, əməliyyatlar haqqında geniş məlumat vermişdir.

  • Sabirabadda Novruz bayramı münasibətilə ümumr...

    Sabirabadda Novruz bayramı münasibətilə ümumrayon şənliyi keçirilmişdir

    2019-03-16

    Sabirabad şəhərində Ümummilli lider Heydər Əliyevin adını daşıyan istirahət parkında Novruz şənliyi keçirilmişdir. Rayon İcra Hakimiyyətinin başçısı Nazim İsmayılov başda olmaqla hüquq-mühafizə orqanlarının, idarə, müəssisə və təşkilatların rəhbərləri, ağsaqqallar, ziyalılar şənliyə qatılmışlar. Əvvəlcə sərgiyə baxış keçirilmiş, pəhləvanların, idmançıların nümunəvi çıxışları olmuşdur. Tədbir açıq elan olunduqdan sonra Nazim İsmayılov alqış sədaları altında bayram tonqalını yandırmışdır. O bütün sabirabadlıları, eləcə də tədbir iştirakçılarını Novruz bayramı münasibətilə səmimi qəlbdən təbrik etmiş, onlara xoş arzularını çatdırmış, ötən müddət ərzində görülmüş işlərdən, həyata keçirilmiş tədbirlərdən danışmışdır. İcra başçısı çıxışının sonunda Azərbaycan Respublikasının Prezidenti cənab İlham Əliyevi və Azərbaycan Respublikasının Birinci vitse-prezidenti Mehriban xanım Əliyevanı Novruz bayramı münasibətilə sabirabadlılar adından təbrik etmiş, onlara çətin və məsuliyyətli fəaliyyətlərində uğurlar arzulamışdır. Bədii hissədə incəsənət ustaları rəngarəng konsert proqramı ilə çıxış etmişlər.

  • Sabirabadda Azərbaycan polisinin məcburi köçk...

    Sabirabadda Azərbaycan polisinin məcburi köçkünlərə bayram sovqatı

    2019-03-15

    Novruz bayramı ərəfəsində Daxili İşlər nazirinin müavini, general-leytenant İsmət Əliyev və nazirliyin bir qrup əməkdaşı rayonumuzun Güdəcühür məcburi köçkün qəsəbəsində məcburi köçkünlərlə görüşmüşlər. Qonaqlar hörmət və ehtiramla qarşılanmışlar. Daxili İşlər Nazirinin müavini, polis general-leytenantı İsmət Əliyev məcburi köçkünlərə Daxili İşlər Naziri, general-polkovnik Ramil Usubovun bayram təbriklərini çatdırmış, Novruz bayramı münasibətilə onları təbrik etmişdir. Nazir müavini bildirmişdir ki, dövlətimizin başçısı cənab İlham Əliyev qaçqın və məcburi köçkünlərin problemlərinə hər zaman xüsusi diqqət və qayğı ilə yanaşır. O, eyni zamanda bu sahədə görülmüş işlərdən, qarşıda duran vəzifələrdən ətraflı bəhs etmişdir. Tədbirdə iştirak edən rayon İcra Hakimiyyətinin başçısı Nazim İsmayılov öz çıxışında qeyd etmişdir ki, qaçqın və köçkünlərə diqqət və qayğının əsası ulu öndər Heydər Əliyev tərəfindən qoyulmuşdur. Bu sosial kurs möhtərəm Prezidentimiz cənab İlham Əliyev tərəfindən uğurla davam etdirilir.

  • Sabirabadda gənclərlə görüş keçirilmişdir

    Sabirabadda gənclərlə görüş keçirilmişdir

    2019-03-15

    Azərbaycan Respublikasının Prezidenti Administrasiyasının Gənclər siyasəti və idman məsələləri şöbəsinin müdiri, Birinci vitse-prezidentin köməkçisi Yusuf Məmmədəliyev, Gənclər Fondunun icraçı direktoru Fərid Cəfərov rayonumuzun fəal gəncləri ilə görüşmüşlər. Görüşdə ölkə rəhbərliyi tərəfindən gənclərə göstərilən diqqət və qayğıdan, onlara yaradılan hərtərəfli şəraitdən, geniş imkanlardan, Sabirabad rayonunun ictimai-siyasi həyatında gənclərin geniş fəallığından söhbət açılmışdır. Bildirilmişdir ki, görüşün keçirilməsində əsas məqsəd rayon gənclərinin problem və təkliflərini dinləmək, gənclərə fəaliyyətlərində yardımçı olmaqdır. Müzakirə formasında davam edən görüşdə gənclərin təklifləri dinlənilmişdir. Rayon gəncləri onları düşündürən məsələlərlə bağlı suallar ünvanlamış, bəzi təkliflərlə çıxış etmişlər.

  • «Ölkəmizi tanıyaq» tur-aksiyasında Sabirabad...

    «Ölkəmizi tanıyaq» tur-aksiyasında Sabirabad məktəbliləri də iştirak etmişlər

    2019-03-15

    Azərbaycan Respublikasının Prezidenti cənab İlham Əliyevin tapşırığına əsasən ölkəmizin tarixinin, mədəniyyətinin, adət-ənənələrinin, müstəqillik illərində əldə etdiyimiz nailiyyətlərin dərindən öyrənilməsi məqsədilə müxtəlif şəhər və rayonlarda yaşayan məktəbli gənclərimizin Respublikamızın digər bölgələrinə səyahətləri təşkil olunmuş, rayonumuzdan da 40 nəfər IX-XI sinif şagirdləri bu tədbirdə iştirak etmişlər. Martın 15-də «Ölkəmizi tanıyaq» tur-aksiya iştirakçıları şəhərimizdəki Heydər Əliyev parkına toplaşmışlar. Onlar 3 gün müddətində Gəncə şəhərində, Şəmkir, Göygöl, Tovuz, Ağstafa, Qazax rayonlarında olacaqlar. Şagirdlər əvvəlcə Heydər Əliyev Mərkəzində Ulu öndərin həyat və fəaliyyətini əks etdirən eksponatlarla tanış olmuşlar. Rayon İcra Hakimiyyətinin başçısı Nazim İsmayılov məktəblilərə müraciət edərək möhtərəm Prezidentimiz cənab İlham Əliyevin təşəbbüsü ilə təşkil olunan tur-aksiyanın əhəmiyyətindən danışmışdır.

Foto qalereya